அஜித், விஜய் பட இயக்குனரின் மகனை ஹீரோவாக்கும் கே.எஸ்.ரவிகுமார்!
- IndiaGlitz, [Thursday,January 28 2021]
பிரபல இயக்குநர் கேஎஸ் ரவிக்குமார் தான் இயக்கிய பல திரைப்படங்களில் புதுமுகங்களை அறிமுகம் செய்துள்ளார் என்பது தெரிந்ததே. அந்த வகையில் தற்போது தான் தயாரிக்க இருக்கும் ’கூகுள் குட்டப்பன்’ என்ற திரைப்படத்தில் பிக்பாஸ் தர்ஷனை ஹீரோவாக அறிமுகப்படுத்துகிறார்
இந்த படத்தின் நாயகியாக பிக்பாஸ் புகழ் லாஸ்யா நடிக்க இருக்கிறார் என்பதும் இந்த படத்தின் பிரஸ்மீட் இன்று சென்னையில் நடைபெற்றது என்பதும் குறிப்பிடத்தக்கது. இந்த நிலையில் இந்த பிரஸ்மீட்டில் பேசிய கேஎஸ் ரவிக்குமார் அவர்கள் தனது அடுத்த படத்தில் பிரபல இயக்குனர் விக்ரமன் மகன் கனிஷ்கா என்பவரை நாயகனாக அறிமுகப்படுத்த உள்ளதாக கூறியுள்ளார். இது குறித்த அறிவிப்பு விரைவில் வெளிவரும் என்றும் அவர் தெரிவித்துள்ளார்
விக்ரமன் இயக்கிய ‘புது வசந்தம்’, ‘புரியாத புதிர்’ போன்ற படங்களில் கேஎஸ் ரவிக்குமார் உதவி இயக்குநராக பணி புரிந்தார் என்ற நிலையில் தற்போது அவரது மகனை தனது படத்தில் கே.எஸ்.ரவிகுமார் ஹீரோவாக அறிமுகம் செய்யவுள்ளார் என்பது குறிப்பிடத்தக்கது.