மலையாளத்தில் சூப்பர் ஹிட் வெற்றி பெற்ற ’ஆண்ட்ராய்டு குஞ்சப்பன்’ என்ற திரைப் படத்தின் தமிழ் ரீமேக்கான கூகுள் குட்டப்பா’ படத்தின் டிரைலர் வெளியாகி இணையத்தில் வைரலாகி வருகிறது.

வயதான தந்தை கேஎஸ் ரவிக்குமாரை பார்த்துக் கொள்ள அவரது மகன் தர்ஷன் ’கூகுள் குட்டப்பா’ என்ற ரோபோவை ஏற்பாடு செய்கிறார். அந்த ரோபோவை ஆரம்பத்தில் கே எஸ் ரவிக்குமார் வெறுத்தாலும் அதன் பிறகு அதனுடன் அவர் ஒன்றி விடுகிறார்.

இந்த நிலையில் ஒரு திடீர் திருப்பம் ஏற்படுகிறது என்பதும் அந்தத் திருப்பம் என்ன என்பதுதான் இந்த படத்தின் கதை என்பதும் கூகுள் குட்டப்பா’ படத்தின் டிரைலரில் இருந்து தெரியவருகிறது.

கேஎஸ் ரவிக்குமார் தயாரித்து நடித்துள்ள இந்த படத்தில் தர்ஷன், லாஸ்லியா, யோகி பாபு உள்ளிட்ட பலர் நடித்துள்ளனர். சபரி மற்றும் சரவணன் இயக்கத்தில் ஜிப்ரான் இசையில் ஆர்பி ஒளிப்பதிவில் அந்தோணி எடிட்டிங்கில் உருவாகியுள்ள இந்த படம் விரைவில் வெளியாகும் என்பது குறிப்பிடதக்கது.