క్రితి శెట్టికి అవ‌కాశాల వెల్లువ
- IndiaGlitz, [Monday,March 23 2020]
కన్నడ బ్యూటీ క్రితి శెట్టికి అవ‌కాశాలు వెల్తువెత్తుతున్నాయి. 2009లో కన్నడ చిత్రం ‘స‌రిగ‌మ’ చిత్రంతో కెరీర్‌ను స్టార్ట్ చేసిన ఈ ముద్దుగుమ్మ త‌ర్వాత త‌మిళంలోనూ సినిమాలు చేసింది. అక్క‌డ నుండి తెలుగులోకి అడుగు పెట్టింది. మెగా మేన‌ల్లుడు సాయితేజ్ సోద‌రుడు వైష్ణ‌వ్ తేజ్ హీరోగా న‌టించిన ఉప్పెన చిత్రంతో తెలుగు చిత్ర‌సీమ‌లోకి అడుగు పెట్టింది. ఉప్పెన చిత్రం ఏప్రిల్ 2న విడుద‌ల కావాల్సింది. కానీ క‌రోనా ప్ర‌భావంతో సినిమా వాయిదా ప‌డుతుంద‌ని వార్త‌లు విన‌ప‌డుతున్నాయి. కాగా.. ఈ సినిమా టీజ‌ర్‌లో క్రితిశెట్టి ఎక్స్‌ప్రెష‌న్స్ న‌చ్చ‌డంతో ఆమెకు అవ‌కాశాలు క్యూ క‌డుతున్నాయి. సుకుమార్ నిర్మిస్తోన్న త‌న త‌దుపరి చిత్రంలోనూ క్రితిశెట్టికి అవ‌కాశం ఇచ్చాడు.
తాజాగా క్రితిశెట్టికి మ‌రో అవ‌కాశం రావ‌డం విశేషం. విశ్వ‌క్ సేన్ హీరోగా డెబ్యూ డైరెక్ట‌ర్ న‌రేష్ కుప్పిలి ద‌ర్శ‌క‌త్వంలో ఇటీవ‌ల పాగ‌ల్ అనే సినిమా ప్రారంభ‌మైన సంగ‌తి తెలిసిందే. బెక్కం వేణుగోపాల్ ఈ చిత్రానికి నిర్మాత. ఈ సినిమాలోనూ క్రితిశెట్టినే హీరోయిన్‌గా తీసుకున్నార‌ని సినీ వ‌ర్గాల స‌మాచారం. తెలుగులో తొలి చిత్రం ఉప్పెన విడుద‌ల కాకుండానే రెండు సినిమాల్లో అవ‌కాశం ద‌క్కించుకోవ‌డం నిజంగా క్రితి అదృష్ట‌మేన‌ని అంటున్నాయి ఇండ‌స్ట్రీ వ‌ర్గాలు. మ‌రి సినిమా విడుద‌ల త‌ర్వాత ఎలాంటి క్రేజ్‌ను సొంతం చేసుకుంటుందో చూడాలి.