కృష్ణ గాడి వీర విజయ యాత్ర...
- IndiaGlitz, [Monday,February 15 2016]
నేచుర‌ల్ స్టార్ నాని హీరోగా న‌టించిన లేటెస్ట్ సెన్సేష‌న్ కృష్ణ గాడి వీర ప్రేమ గాథ. ఈ చిత్రాన్ని అందాల రాక్ష‌సి ఫేం హ‌ను రాఘ‌వ‌పూడి తెర‌కెక్కించారు. 14 రీల్స్ ఎంట‌ర్ టైన్మెంట్ సంస్థ నిర్మించింది. కృష్ణ గాడి వీర ప్రేమ గాథ ఫ‌స్ట్ డే ఫ‌స్ట్ షో నుంచే పాజిటివ్ టాక్ తో విజ‌య‌వంతంగా దూసుకెళుతుంది. కృష్ణ గాడికి ఇంత‌టి విజ‌యాన్ని అందించిన ప్రేక్ష‌కుల‌కు థ్యాంక్స్ తెలియ‌చేసేందుకు చిత్ర యూనిట్ విజయ యాత్ర ప్లాన్ చేసింది.
హైద‌రాబాద్ లో కృష్ణ గాడి వీర విజయ యాత్ర ఈరోజు ప్రారంభం అవుతుంది. ఈ రోజు సాయంత్రం 6 గంట‌ల‌కు కూక‌ట్ ప‌ల్లి భ్ర‌మ‌రాంభ థియేట‌ర్, రాత్రి 8 గంట‌ల‌కు మూసాపేట శ్రీరాములు థియేట‌ర్, రాత్రి 9 గంట‌ల‌కు నారాయ‌ణగూడ శాంతి థియేట‌ర్, రాత్రి 10 గంట‌ల‌కు దిల్ సుఖ్ న‌గ‌ర్ మెగా థియేట‌ర్ లో కృష్ణ గాడి టీమ్ ప్రేక్ష‌కుల‌ను క‌లుసుకుని స‌క్సెస్ సంతోషాన్ని సెల‌బ్రేట్ చేయ‌నున్నారు.