రీమేక్ ఆలోచ‌న‌ల్లో సీనియ‌ర్ ద‌ర్శ‌కుడు..
- IndiaGlitz, [Saturday,July 28 2018]
సినిమా ఇండ‌స్ట్రీలో స‌క్సెస్ కీల‌కంగా ఉంటుంది. ఎంత సీనియ‌ర్ ద‌ర్శ‌కుడు.. ఎన్ని గొప్ప సినిమాలు చేశాడ‌నేది ముఖ్యం కాదు.. ప్ర‌జెంట్ ట్రెండ్‌ను అనుస‌రించి స‌క్సెస్‌ఫుల్ మూవీస్ చేస్తున్నాడా లేదా? అనేది ముఖ్యం. ప్లాపుల్లో ఉంటే ఎవ‌రూ పట్టించుకోరు. ఇప్పుడు సీనియ‌ర్ ద‌ర్శ‌కుడు కృష్ణ వంశీ పరిస్థితి అలాగే ఉంది. సరైన హిట్ చిత్రాలు లేక కృష్ణ‌వంశీని ఎవ‌రూ ప‌ట్టించుకోవ‌డం లేదు.
ఆయ‌న డైరెక్ట్ చేసిన గ‌త చిత్రం 'న‌క్షత్రం' కూడా ప్లాప్ అయింది. ఇప్పుడు స‌క్సెస్ కొట్టే యోచ‌న‌లో ఉన్న కృష్ణ వంశీ ఇప్పుడు మరాఠీ స‌క్సెస్‌ఫుల్ చిత్రం 'న‌ట‌సామ్రాట్‌' ను తెలుగులో రీమేక్ చేయాల‌నుకుంటున్నార‌ట. అందులో భాగంగా ఓ కీల‌క పాత్ర‌లో న‌టించ‌మ‌ని ప్ర‌కాశ్‌రాజ్‌ను సంప్ర‌దించార‌ని వార్త‌లు విన‌ప‌డుతున్నాయి. త్వ‌ర‌లోనే ఈ సినిమాకు సంబంధించిన వార్త‌లు వెలువ‌డ‌తాయి.