కృష్ణ‌వంశీ 'న‌ట‌సామ్రాట్‌`' ఎవ‌రో తెలుసా?
- IndiaGlitz, [Monday,July 22 2019]
కృష్ణ‌వంశీ సినిమా 'అంతఃపురం'తో నిర్మాత‌గా మారారు న‌టుడు ప్రకాష్రాజ్. 1999లో డ్యూయ‌ట్ మూవీస్ ప‌తాకంపై ప్రకాష్రాజ్ తెర‌కెక్కించిన అంతఃపురం తెలుగులోనూ, త‌మిళ్‌లోనూ విడుద‌లైంది. ఆ సినిమా ఇప్ప‌టికీ అటు కృష్ణ‌వంశీ కెరీర్‌లోనూ, అటు ప్రకాష్రాజ్ కెరీర్‌లోనూ క‌ల్ట్ సినిమాగా అయింది. మంచి మిత్రులుగా ఎన్నో ఏళ్లు కొన‌సాగిన వాళ్లు మ‌ధ్య‌లో మ‌న‌స్ప‌ర్థ‌ల‌తో దూర‌మ‌య్యారు. ఆ త‌ర్వాత 'గోవిందుడు అంద‌రివాడేలే' సినిమాతో వారిద్ద‌రూ క‌లిశారు. రామ్‌చ‌ర‌ణ్ హీరోగా న‌టించిన ఆ సినిమాలో కృష్ణ‌వంశీది ప్ర‌ధాన పాత్ర.
ఇప్పుడు కృష్ణ‌వంశీ డౌన్ ఫాల్‌లో ఉన్నారు. స‌రైన హిట్ కోసం ఎదురుచూస్తున్నారు. ఈ నేప‌థ్యంలో కృష్ణ‌వంశీ ద‌ర్శ‌క‌త్వంలో త‌ను ప్ర‌ధాన పాత్ర‌ధారిగా ఓ సినిమాను డ్యూయ‌ట్ మూవీస్ ప‌తాకంపై తెర‌కెక్కించ‌డానికి స‌న్నాహాలు చేస్తున్నారు. మ‌రాఠాలో నానా ప‌టేక‌ర్ ప్ర‌ధాన పాత్ర‌లో న‌టించిన 'న‌ట సామ్రాట్‌'కు రీమేక్ అని వినికిడి. తెలుగులోనూ అదే పేరుతో చేస్తారా? తెలుగుకు త‌గ్గ‌ట్టు క‌థ‌లో మార్పులూ చేర్పులూ ఉంటాయా? అనేది తెలియాల్సి ఉంది.