అఖిల్‌తో క్రిష్...
- IndiaGlitz, [Saturday,February 02 2019]
'గ‌మ్యం, కృష్ణంవందే జ‌గ‌ద్గుర‌మ్‌, కంచె' చిత్రాల ద‌ర్శ‌కుడు క్రిష్ 'యన్.టి.ఆర్ మ‌హానాయ‌కుడు' సినిమాను పూర్తి చేయ‌బోతున్నాడు. ఈ సినిమా త‌ర్వాత క్రిష్ ఎవ‌రిని డైరెక్ట్ చేస్తాడ‌నేది ఆస‌క్తిక‌రంగా మారింది. తాజాగా ఇండ‌స్ట్రీలో అఖిల్ నాలుగో సినిమాకు క్రిష్ డైరెక్ట‌ర్ అని పేరు విన‌ప‌డుతుంది. రీసెంట్‌గా మిస్ట‌ర్ మ‌జ్నుతో ప్రేక్ష‌కుల ముందుకు వ‌చ్చిన అఖిల్.. త‌న‌దైన న‌ట‌న‌తో ఓకే అనిపించుకున్నా... స‌రైన బ్రేక్ మాత్రం దొర‌క‌లేదని సినీ వ‌ర్గాల లోప‌లి స‌మాచారం.
ఇటీవ‌ల క్రిష్ అఖిల్, నాగార్జున‌ని క‌లిసి క‌థ వినిపిస్తే నాగ్‌కి బాగా న‌చ్చింద‌ట. సినిమాను త‌న అన్న‌పూర్ణ స్టూడియోలో నిర్మించ‌డానికి సిద్ధ‌మ‌య్యాడ‌ట. అయితే ఇప్పుడు 'యన్.టి.ఆర్ క‌థానాయ‌కుడు' స‌క్సెస్ కాక‌పోవ‌డం.. 'మ‌ణిక‌ర్ణిక' వివాదం .. వీటి కార‌ణంగా నాగ్ ఈ సినిమా గురించి పున‌రాలోచ‌న‌లో ప‌డే అవ‌కాశం కూడా ఉంద‌ని అంటున్నారు.