ఖబర్దార్ వ్యాఖ్యలకు క్లారటి ఇచ్చిన క్రిష్..!
- IndiaGlitz, [Wednesday,December 28 2016]
నంద‌మూరి న‌ట‌సింహం బాల‌కృష్ణ 100వ చిత్రం గౌతమీపుత్ర శాత‌క‌ర్ణి ఆడియో వేడుక‌లో డైరెక్టర్ క్రిష్ చేసిన ఖబర్దార్ వ్యాఖ్య‌లు వివాద‌స్ప‌దం కావ‌డంతో ఈ వ్యాఖ్యలకు క్రిష్ వివ‌ర‌ణ ఇచ్చాడు. ఇంత‌కీ క్రిష్ ఏమ‌న్నారంటే...నేను ఖబర్దార్ అన్న వ్యాఖ్య‌లు సంక్రాంతికి విడుద‌ల కానున్న మ‌రో సినిమా మెగాస్టార్ చిరంజీవి గారి ఖైదీ నెం 150 సినిమాని దృష్టిలో పెట్టుకుని అన్న‌ట్టు కొంత మంది ప్ర‌చారం చేస్తున్నారు.
అందులో నిజం లేదు. తెలుగువారిని కూడా మ‌ద‌రాసి అంటూ చాలా చుల‌క‌న‌గా చూసిన వారిని దృష్టిలో పెట్టుకుని అన్న మాట అది. అంతే కానీ చిరంజీవి గారిని దృష్టిలో పెట్టుకుని అన‌లేదు. నా రెండో సినిమా వేదం. ఇందులో నా క్లోజ్ ఫ్రెండ్ మెగా హీరో అల్లు అర్జున్ న‌టించాడు. నా నాలుగ‌వ సినిమా కంచె. ఈ సినిమాలో మెగా హీరో వ‌రుణ్ తేజ్ న‌టించాడు. ఇండ‌స్ట్రీలో ప్ర‌వేశించ‌క ముందు నుంచి రామ్ చ‌ర‌ణ్ క్లోజ్ ఫ్రెండ్. చిరంజీవిగారు గ్రేట్ ప‌ర్స‌న్. కంచె రిలీజ్ తర్వాత ఇంటికి ఆహ్వానించి న‌న్ను అభినందించారు. నాకు చిరంజీవి గారు ఇన్ స్పిరేషన్. అందుచేత నా వ్యాఖ్య‌ల‌ను త‌ప్పుగా అర్ధం చేసుకుని ఇలాంటి ప్ర‌చారం చేయ‌ద్దు అంటూ వివ‌ర‌ణ ఇచ్చారు క్రిష్