'క్రాక్' ఐటెమ్‌ సాంగ్‌ ...
- IndiaGlitz, [Friday,October 16 2020]
డాన్‌శీను, బలుపు వంటి సూపర్‌హిట్‌ చిత్రాల తర్వాత మాస్ మ‌హారాజా ర‌వితేజ, గోపీచంద్ మలినేని కాంబినేషన్‌లో రూపొందుతోన్న లేటెస్ట్ చిత్రం' క్రాక్'. ఈ ఏడాది వేస‌విలో ఈ సినిమా విడుద‌ల కావాల్సిన ఈ సినిమా క‌రోనా వైర‌స్ కార‌ణంగా తుది ద‌శ చిత్రీక‌ర‌ణ ద‌శ‌లో ఆగింది. ఇప్పుడు కేంద్ర ప్ర‌భుత్వం ఓకే చెప్ప‌డంతో మ‌న స్టార్స్ అంద‌రూ సినిమాల‌ను ట్రాక్ ఎక్కించ‌డానికి స‌న్నాహాలు చేసుకుంటున్నారు. ఈ క్ర‌మంలో ర‌వితేజ ‘క్రాక్’ సినిమా షూటింగ్ కూడా షురూ అయ్యింది. ప‌ది నుండి ప‌దిహేను రోజుల షూటింగ్ మాత్ర‌మే మిగిలి ఉండ‌టంతో సినిమాకు షూటింగ్ కంప్లీట్ కావ‌డానికి పెద్ద స‌మ‌యం ప‌ట్ట‌క‌పోవ‌చ్చు. తాజాగా ఈ సినిమాలో ఓ స్పెషల్‌ ఐటెమ్‌ సాంగ్‌ను చిత్రీకరిస్తున్నారు. జానీ మాస్టర్‌ కొరియోగ్రఫీ చేస్తున్న ఈ సాంగ్‌లో రవితేజతో అప్సరా రాణి చిందేస్తుంది. ఈ విషయాన్ని దర్శకుడు గోపీచంద్ మలినేని తన ట్విట్టర్ ద్వారా తెలియజేశారు.
శృతిహాస‌న్ హీరోయిన్‌గా న‌టిస్తోంది. ద‌ర్శ‌కుడిగా గోపీచంద్ మలినేని మంచి బ్రేక్ కోసం వెయిట్ చేస్తున్న స‌మ‌యంలో క్రాక్ నిజంగానే బాక్సాఫీస్ వ‌సూళ్ల‌ను క్రాక్ చేస్తుందేమో చూడాలి. స‌ముద్ర‌ఖ‌ని, వ‌ర‌ల‌క్ష్మీ శ‌ర‌త్ కుమార్ కీల‌క పాత్ర‌ల్లో న‌టిస్తున్నారు. ఈసినిమాకు సంబంధించిన టీజ‌ర్ ఇప్ప‌టికే విడుద‌లైంది. ఇందులో ర‌వితేజ ప‌వ‌ర్‌ఫుల్ పోలీస్ ఆఫీస‌ర్ పాత్ర‌లో న‌టిస్తున్నారు. ఈ సినిమా ర‌వితేజ ర‌మేశ్ వ‌ర్మ ద‌ర్శ‌క‌త్వంలోఓ సినిమా చేయ‌బోతున్నారు.