అట్లీ దర్శకత్వం వహించి, కమాండర్ విజయ్ నటించిన ‘అదిరింది’, విజిల్, తెలుగు చిత్రం క్రాక్‌ వంటి సినిమాలకు సినిమాటోగ్రాఫర్‌గా పనిచేసిన జికెవిష్ణు నేడు వివాహం చేసుకుని ఓ ఇంటివాడయ్యారు. ఆయన పెరుమాళ్, లక్ష్మీ పప్పతి దంపతుల కుమార్తె పి.మహాలక్ష్మితో ఆయన వివాహం ఈ రోజు (ఆదివారం 25-04-2021)  చోలింగనల్లూర్‌లోని ఇస్కాన్ ఆలయంలో వైభవంగా జరిగింది.

అయితే ఓ వైపు కరోనా మహమ్మారి దేశ వ్యాప్తంగా విజృంభిస్తుండటంతో ఆయన వివాహం కరోనా యొక్క భద్రత కారణంగా, వరుడి తల్లిదండ్రులు ఎంజీ కుమార్, ఎస్ఎం ఉమాదేవితో పాటు అతి ముఖ్యమైన బంధువులు, స్నేహితుల సమక్షంలో మాత్రమే జరిగింది. విష్ణు వివాహ విషయాన్ని సోషల్ మీడియా ద్వారా తెలుసుకున్న నెటిజన్లు పెద్ద సంఖ్యలో ఆయన వివాహ శుభాకాంక్షలు చెబుతున్నారు. అలాగే పలువురు సినీ ప్రముఖులు సైతం విష్ణు దంపతులకు శుభాకాంక్షలు చెబుతూ సోషల్ మీడియాలో పోస్టులు పెడుతున్నారు.