26 ஆண்டுகளுக்கு பின் மீண்டும் நாயகியாகும் கமல் பட நடிகை: இயக்குனர் இவர்தான்!
- IndiaGlitz, [Wednesday,October 20 2021]
கடந்த 1995ஆம் ஆண்டு கமல்ஹாசன் நடித்த ’சதிலீலாவதி’ என்ற திரைப்படத்தில் நாயகியாக நடித்த காமெடி நடிகை கோவை சரளா இருபத்தி ஆறு ஆண்டுகளுக்குப் பின்னர் மீண்டும் நாயகியாக நடிக்க ஒப்பந்தமாகி உள்ளதாக செய்திகள் வெளியாகி உள்ளது.
தமிழ் திரையுலகில் கடந்த 40 ஆண்டுகளுக்கும் மேலாக காமெடி நடிகையாக நடித்து வருபவர் கோவை சரளா என்பதும் அவரது காமெடி ரசிகர்களின் மனதை கவரும் வகையில் இருக்கும் என்பதும் அனைவரும் அறிந்ததே.
இந்த நிலையில் பிரபல இயக்குனர் பிரபு சாலமன் இயக்கும் அடுத்த திரைப்படத்தில் நாயகியாக கோவை சரளா நடிக்க உள்ளதாக தகவல் வெளிவந்துள்ளது. ஆதிவாசி பெண்ணாக நடிக்கும் கோவை சரளா தனது பேத்திக்கு நிகழ்ந்த கொடுமையை எதிர்த்து போராடும் பாட்டி கேரக்டரில் நடித்து உள்ளதாகவும் இந்த கேரக்டர் அவரது நடிப்பின் இன்னொரு பரிணாமத்தை வெளிப்படுத்தும் என்றும் படக்குழுவினர் தெரிவித்து வருகின்றனர். இருபத்தி ஆறு ஆண்டுகளுக்குப் பின்னர் மீண்டும் நாயகியாக நடிக்கும் கோவை சரளாவுக்கு ரசிகர்கள் வாழ்த்துக்களை தெரிவித்து வருகின்றனர்.