ஒரே நபரை மாறி மாறி மூன்று திருமணம் செய்து கொண்ட நடிகை: 6 குழந்தைகள் வாழ்த்து!
- IndiaGlitz, [Monday,May 23 2022]
அமெரிக்காவை சேர்ந்த நடிகை ஒருவர் தனது காதலரை மாறி மாறி மூன்று முறை திருமணம் செய்து கொண்ட தகவல் வெளியாகியுள்ளது.
அமெரிக்காவைச் சேர்ந்த நடிகை மற்றும் மாடல் கோர்ட்னி கர்தாஷியன், ட்ரம்ஸ் கலைஞனாக டிராவிஸ் என்பவரை கடந்த சில ஆண்டுகளாக காதலித்து வந்த நிலையில் இந்த காதலர்கள் சமீபத்தில் லாஸ் வேகாஸ் சென்ற போது, அங்கு ஜாலியாக ஒரு முறை திருமணம் செய்தார்கள்.
இருப்பினும் அது சட்டப்படியான திருமணம் இல்லை என்பதால் கலிபோர்னியாவில் சட்டப்படி திருமணம் செய்து கொண்டார்கள். மேலும் உறவினர்கள் மற்றும் நண்பர்கள் மற்றும் இரு தரப்பினருக்கும் தனித்தனியாக பிறந்த குழந்தைகளின் முன்னிலையில் பிரமாண்டமாக திருமணம் செய்ய வேண்டும் என்பதற்காக மூன்றாவது முறையாக இத்தாலி அரண்மனை ஒன்றில் திருமணம் செய்து கொண்டனர்.
இந்த திருமணத்தில் கோர்ட்னியின் மகன்கள் மேசன், ரெய்ன், மகள் பெனிலோபி, டிராவிஸின் மகன் லாண்டன், மகள்கள் அலபாமா, அடியானா ஆகியோர் கலந்து கொண்டு வாழ்த்து தெரிவித்தனர்.