స్టార్ హీరోల‌తో మాత్ర‌మే సినిమాలు చేస్తున్న ద‌ర్శ‌కుడు కొర‌టాల శివ నిన్న ఆస‌క్తిక‌ర‌మైన విష‌యం షేర్ చేసుకున్నాడు.. `పెళ్ళిచూపులు` స‌క్సెస్ త‌ర్వాత విజ‌య్ దేవ‌ర‌కొండ కోసం కొర‌టాల ఓ స్క్రిప్ట్‌ను సిద్ధం చేయడానికి రెడీ అయ్యాడ‌ట‌. వెంట‌నే అర్జున్ రెడ్డి విడుద‌లైంది. అర్జున్ రెడ్డిలో విజ‌య్ న‌ట‌న చూసి షాక‌య్యాడ‌ట‌. అంత‌లోనే గీత గోవిందం విడుద‌లైంది. దాంతో విజ‌య్ దేవ‌ర న‌ట‌న మ‌రోలా ఉంది

అస‌లు ఒక సినిమాకు మ‌రో సినిమాకు సంబంధం లేకుండా వెర్స‌టైల్ క‌థ‌ల‌ను ఎంచుకుని సినిమాలు చేయ‌డం విజ‌య్ దేవ‌ర‌కొండ‌కే చెల్లింద‌నుకున్నాడ‌ట‌. క‌చ్చితంగా విజ‌య్ దేవ‌ర‌కొండ కోసం మంచి స్క్రిప్ట్ చేసుకుని వెళ్లి క‌లుస్తాన‌ని వేదిక‌పై కొర‌టాల శివ చెప్ప‌డం విశేషం. కొర‌టాల శివ ఇప్పుడు మెగాస్టార్ చిరంజీవితో సినిమా చేయ‌డానికి స్క్రిప్ట్ సిద్ధం చేస్తున్నాడు. ఈ ఏడాది ఆఖ‌రున ఈ సినిమా సెట్స్‌లోకి వెళ్లే అవ‌కాశాలు ఎక్కువ‌గా ఉన్నాయి.