అనుష్క చిత్రాన్ని క‌న్‌ఫ‌ర్మ్ చేసిన కోన
- IndiaGlitz, [Friday,November 09 2018]
అరుంధ‌తి, రుద్ర‌మ‌దేవి, బాహుబ‌లి, భాగ‌మ‌తి వంటి చిత్రాల్లో మ‌హిళా ప్రాధాన్య‌త పాత్ర‌లు పోషించి త‌న‌దైన న‌ట‌న‌తో వాటికి ప్రాణం పోసిన న‌టి అనుష్క ఇప్పుడు గ్యాప్ తీసుకుంది. ఈమె చేయ‌బోయే త‌దుప‌రి చిత్రం గురించి వార్త‌లు విన‌పడుతున్నాయి. తాజా స‌మాచారం ప్రకారం స్వీటీ అనుష్క కోన‌వెంక‌ట్‌తో పీపుల్స్ మీడియా ఫ్యాక్ట‌రీ వారు క‌లిసి చేయ‌బోయే సినిమాలో న‌టించ‌బోతున్నారు.
అనుష్క పుట్టిన‌రోజు సంద‌ర్భంగా ఈ విష‌యాన్ని కోన వెంక‌ట్ ట్విట్ట‌ర్ ద్వారా వెల్ల‌డించారు. వ‌స్తాడు నా రాజు ఫేమ్ హేమంత్ మ‌ధుక‌ర్ ద‌ర్శ‌క‌త్వంలో సినిమా తెర‌కెక్క‌నుంది. ఈ సినిమా వ‌చ్చే ఏడాది జ‌న‌వ‌రిలో యు.ఎస్‌లో ప్రారంభం కానుంది. సైలెన్స్ అనే థ్రిల్ల‌ర్ కాన్సెప్ట్‌తో తెర‌కెక్క‌బోయే ఈ సినిమాలో మాధ‌వ‌న్ కూడా కీల‌క పాత్ర‌లో న‌టించ‌బోతున్నారు.