సూపర్‌‌స్టార్ రజనీకాంత్ అల్లుడు, కోలివుడ్ స్టార్ హీరో ధనుష్‌కు తెలుగు రాష్ట్రాల్లోనూ మంచి క్రేజ్ వుంది. ఆయన నటించిన సినిమాలు తెలుగులోనూ డబ్ అవుతుంటాయి. ఇంకా చెప్పాలంటే తమిళ్ కంటే ఎక్కువగా కలెక్షన్స్ సాధించిన దాఖలాలు ఎన్నో. ఇంతగా ఆదరిస్తున్న తెలుగు ప్రేక్షకుల కోసం స్ట్రయిట్ మూవీలో నటించాలని నిర్ణయించుకున్నారు ధనుష్. ఈ సినిమాను సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి. తొలిప్రేమ’, ‘మిస్టర్ మజ్ను’, ‘రంగ్ దే’ సినిమాలతో ఆకట్టుకున్న యంగ్‌ డైరెక్టర్‌ వెంకీ అట్లూరి.. ధనుష్‌ను డైరెక్ట్ చేయనున్నారు.

ఈ మేరకు ధనుష్ ఈరోజు తన ట్విట్టర్ ఖాతా ద్వారా అధికారికంగా ప్రకటించారు. 'తమిళంలో నా నెక్స్ట్‌ మూవీ, తెలుగులో నా తొలి సినిమా.. రేపు ఉదయం 9 గంటల 36 నిమిషాలకు టైటిల్‌ వెల్లడిస్తాం' అంటూ ఆయన ట్వీట్‌ చేశాడు. ఇటీవల నితిన్‌తో రంగ్ దే చిత్రంతో పరాజయాన్ని చవిచూసిన వెంకీ అట్లూరి.. ఈ సారి మాత్రం ధనుష్‌తో హిట్ కొట్టాలని చూస్తున్నాడు. మరి వీరి కాంబో ఎలా ఉండబోతుందో చూడాలి మరి.

విద్యా వ్యవస్థలోని లోసుగుల మీద ఈ సినిమాను తెరకెక్కిస్తున్నారు. అయితే కాస్త గతంలోకి వెనక్కు వెళ్లి సమస్యలను డిస్కస్ చేస్తారని తెలుస్తోంది. దర్శకుడు త్రివిక్రమ్ భార్య సాయి సౌజన్య నిర్మాతగా ఈ సినిమాతో పరిచయం అవుతున్నారు. పేరు వినగానే కాలేజీలు, స్టూడెంట్లు, టీచర్లు గుర్తుకువచ్చేలా మంచి టైటిల్ ఈసినిమాను అందిస్తున్నారు