నంద‌మూరి బాల‌కృష్ణ‌, బోయ‌పాటి శ్రీను కాంబినేష‌న్‌లో మూడో చిత్రం రూపొందుతోన్న సంగ‌తి తెలిసిందే. ప్ర‌స్తుతం ఈ సినిమా క‌ర్ణాట‌క‌లో చిత్రీక‌ర‌ణ‌ను జ‌రుపుకుంటోంది. ఈ చిత్రాన్ని మే 28న విడుద‌ల చేయ‌బోతున్న‌ట్లు ఇప్ప‌టికే చిత్ర యూనిట్ అధికారికంగా ప్ర‌క‌టించిన సంగతి తెలిసిందే. మేజ‌ర్ పార్ట్ చిత్రీక‌ర‌ణ పూర్తి కాగానే.. ఒక‌వైపు సినిమాను పూర్తి చేస్తూనే పోస్ట్ ప్రొడ‌క్ష‌న్ ప‌నులు పూర్తి చేయాల‌నేది ప్లానింగ్‌గా క‌నిపిస్తోంది. ఈ సినిమాలో ఇద్ద‌రు మెయిన్‌ విల‌న్స్ న‌టించ‌నున్నారు. అందులో ఒక‌డు శ్రీకాంత్ అని యూనిట్ ప్ర‌క‌టించింది. ఇప్పుడు కోలీవుడ్ సీనియ‌ర్ న‌టుడు శ‌రత్‌కుమార్ మ‌రో విల‌న్ పాత్ర‌లో న‌టించ‌బోతున్నాడ‌ని వార్త‌లు వినిపిస్తున్నాయి. త్వ‌ర‌లోనే దీనికి సంబంధించిన అధికారిక ప్ర‌క‌ట‌న వెలువ‌డ‌నుంద‌ట‌.

ద్వార‌కా క్రియేష‌న్స్ బ్యాన‌ర్‌పై మిర్యాల ర‌వీంద‌ర్ రెడ్డి నిర్మిస్తోన్న ఈ చిత్రంలో ప్ర‌గ్యా జైశ్వాల్ హీరోయిన్‌గా న‌టిస్తుంటే.. మ‌రో హీరోయిన్ పూర్ణ కీల‌క పాత్ర‌లో న‌టిస్తుంది. ఈ సినిమాకు గాడ్ఫాద‌ర్ అనే టైటిల్ దాదాపు ఖ‌రారైందని, ఉగాదికి ఈ సినిమా టైటిల్ లుక్‌ను చిత్ర యూనిట్ విడుద‌ల చేస్తుంద‌ని స‌మాచారం. సింహ, లెజెండ్ చిత్రాల తర్వాత బాలకృష్ణ, బోయపాటి శ్రీను కాంబినేషన్లో రూపొందుతోన్న చిత్రం కావడంతో సినిమాపై భారీ అంచనాలు నెలకొన్నాయి.