బ‌న్నీ చిత్రంలో విల‌న్‌గా న‌టించనున్న కోలీవుడ్ స్టార్..!
- IndiaGlitz, [Tuesday,October 29 2019]
ప్ర‌స్తుతం 'అల...వైకుంఠ‌పురుములో..' సినిమాను పూర్తి చేస్తున్న స్టైలిష్ స్టార్ అల్లు అర్జున్, మరో ప‌క్క త‌దుప‌రి సినిమాకు సిద్ధ‌మ‌వుతున్నాడ‌ట. సుకుమార్ ద‌ర్శ‌క‌త్వంలో మైత్రీ మూవీ మేక‌ర్స్ కాంబినేష‌న్‌లో బ‌న్సీ సినిమా చేయ‌బోతున్న సంగ‌తి తెలిసిందే. బ‌న్నీ కోసం సుకుమార్ చాలా రోజులుగా వెయిటింగ్‌లోనే ఉన్నాడు. త్వ‌ర‌లోనే సుకుమార్‌తో బ‌న్నీ జాయిన్ కానున్నాడ‌ని సినీ వ‌ర్గాల స‌మాచారం.
కాగా.. లేటెస్ట్ స‌మాచారం ప్ర‌కారం బ‌న్నీ, సుకుమార్ చిత్రంలో కోలీవుడ్ విల‌క్ష‌ణ న‌టుడు, మ‌క్క‌ల్ సెల్వ‌న్ విజ‌య్ సేతుప‌తి విల‌న్‌గా న‌టించ‌నున్నాడ‌ని టాక్‌. విజ‌య్ సేతుప‌తికి పాయింట్ న‌చ్చింద‌ట. అయితే సినిమాకు కూడా ఓకే చెప్పాడు కానీ.. అగ్రిమెంట్ చేయ‌లేద‌ట. త్వ‌ర‌లోనే దీనిపై యూనిట్‌కి ఓ క్లారిటీ రానుంది.
ఈ చిత్రంలో అల్లుఅర్జున్ స‌ర‌స‌న ర‌ష్మిక మంద‌న్నా హీరోయిన్‌గా న‌టిస్తుందని టాక్‌. ఎర్ర చంద‌నం స్మగ్లింగ్ నేప‌థ్యంలో సాగే ఈ సినిమాను భారీ రేంజ్‌లో చిత్రీక‌రించ‌బోతున్నార‌ట. 'రంగ‌స్థ‌లం' వంటి సెన్సేష‌న‌ల్ హిట్ త‌ర్వాత సుకుమార్ డైరెక్ట్ చేస్తున్న సినిమా.. అలాగే బ‌న్నీ, సుకుమార్ కాంబినేష‌న్‌లో ఆర్య, ఆర్య2ల త‌ర్వాత రూపొందుతున్న హ్యాట్రిక్ చిత్రం కావ‌డంతో భారీ అంచ‌నాలున్నాయి. త్వ‌ర‌లోనే సినిమా లాంఛంగా ప్రారంభం కానుంది.