திருச்செல்வன் இயக்கத்தில் உருவான ‘கோலங்கள்’ என்ற சீரியலில் நடித்த நடிகர் தற்போது ஜோதிடராக மாறியுள்ள நிலையில், நடைபெற்று வரும் பாராளுமன்ற தேர்தலில் யார் வெற்றி பெறுவார்கள்? ஐபிஎல் போட்டியின் சாம்பியன் யார்? என்பதை கணித்து கூறியது பரபரப்பை ஏற்படுத்தி உள்ளது.

திருச்செல்வன் இயக்கிய ‘கோலங்கள்’ என்ற சீரியலில் மனோ என்ற கேரக்டரில் நடித்தவர் நடிகர் ஸ்ரீதர். இந்த தொடரின் வெற்றிக்கு பின்னர் அவர் ’தலையணை பூக்கள்’ உள்ளிட்ட சீரியல்களில் நடித்த நிலையில் விகடன் நிறுவனம் தயாரித்த பல சீரியல்களில் தொடர்ந்து நடித்தார்.

இந்த நிலையில் ஒரு கட்டத்தில் சீரியலில் நடிக்க வாய்ப்பு கிடைக்கவில்லை என்றவுடன் தனது தந்தையின் தொழிலான ஜோதிடத்தின் மீது அவருக்கு ஆர்வம் வந்தது. இதனை அடுத்து அவர் ஜோதிடத்தில் அதிக ஈடுபாட்டை ஏற்படுத்திக் கொண்டு அதில் ஆய்வு எல்லாம் செய்து வருகிறார்.

தற்போது அவர் முழு நேர ஜோதிடராகவே மாறிவிட்ட நிலையில் தனக்குத்தானே அவர் ஜோதிடம் பார்த்ததாகவும் தன்னுடைய ஜாதகப்படி நிச்சயமாக தான் பெரிய நடிகராக பெயர் வாங்குவேன் என்று என்றும் அது கண்டிப்பாக நடக்கும் என்று நம்புவதாகவும் சமீபத்தில் அளித்த பேட்டியில் தெரிவித்துள்ளார்.

இந்த நிலையில் நாடாளுமன்ற தேர்தல் ரிசல்ட் எப்படி இருக்கும் என்ற கேள்விக்கு பதில் அளித்த நடிகர் ஸ்ரீதர், மத்தியில் மீண்டும் பிரதமர் மோடி ஆட்சி தான் என்றும் ஆனால் அதே நேரத்தில் தமிழகத்தில் திமுக கூட்டணி 35 தொகுதிகளுக்கும் அதிகமாக வெற்றி பெறும் என்றும் தெரிவித்துள்ளார்.

மேலும் இந்த ஆண்டு ஐபிஎல் தொடரில் சன்ரைசர்ஸ் ஹைதராபாத் சாம்பியன் பட்டம் வெல்லும் என்றும் அவர் கணித்துள்ளார். நடிகர் ஸ்ரீதர் கணித்தபடி நடக்குமா என்பதை பொறுத்திருந்து பார்ப்போம்.