லேடி சூப்பர் ஸ்டார் நயன்தாரா தற்போது 'இமைக்கா நொடிகள்', கொலையுதிர்க்காலம்', நரசிம்ம ரெட்டி, கோலமாவு கோகிலா ஆகிய படங்களில் நடித்து வருகிறார். மேலும் அஜித்தின் 'விசுவாசம்' மற்றும் கமல்ஹாசனின் 'இந்தியன் 2' ஆகிய படங்களிலும் நடிக்கவுள்ளதாக கூறப்படுகிறது.

இந்த நிலையில் நயன்தாரா நடித்து வரும் படங்களில் ஒன்றாகிய 'கோலமாவு கோகிலா' படத்தின் ஃபர்ஸ்ட்லுக் ரிலீஸ் மற்றும் சிங்கிள் பாடல் ரிலீஸ் தேதிகள் அறிவிக்கப்பட்டுள்ளது. இந்த படத்தின் ஃபர்ஸ்ட்லுக் வரும் மார்ச் 5ஆம் தேதியும் சிங்கிள் பாடல் வரும் மார்ச் 8ஆம் தேதியும் வெளியாகவுள்ளது. மார்ச் 8ஆம் தேதி உலக மகளிர் தினம் என்பது குறிப்பிடத்தக்கது.

நானும் ரெளடிதான், வேலைக்காரன் படங்களுக்கு பின்னர் நயன்தாரா நடிக்கும் இந்த படத்திற்கும் அனிருத் இசையமைத்து வருகிறார். நெல்சன் திலீப்குமார் இயக்கி வரும் இந்த படத்தில் நயன்தாரா, சரண்யா பொன்வண்ணன், யோகிபாபு, ஜாகுலின், நிஷா உள்ளிட்ட பலர் நடித்துள்ளனர். லைகா நிறுவனம் தயாரிக்கும் இந்த படத்திற்கு சிவகுமார் விஜயன் கேமிராவும், நிர்மல் எடிட்டிங் பணியும் செய்து வருகின்றனர். இந்த படம் வரும் ஏப்ரலில் ரிலீஸ் ஆக வாய்ப்பு உள்ளது.