லேடி சூப்பர் ஸ்டார் நயன்தாரா நடித்த 'கோலமாவு கோகிலா' மற்றும் 'இமைக்கா நொடிகள்' ஆகிய படங்கள் அடுத்தடுத்த வாரங்களில் வெளியாகி இரண்டுமே வெற்றி பெற்றது என்பது தெரிந்ததே. அந்த வகையில் மீண்டும் ஒரே மாதத்தில் இரண்டு நயன்தாரா படங்கள் வெளியாகி அவரது ரசிகர்களுக்கு இரட்டை விருந்து கிடைக்கும் நிலை ஏற்பட்டுள்ளது.

அஜித்துடன் நயன்தாரா நடித்த 'விஸ்வாசம்' திரைப்படம் வரும் பொங்கல் தினத்தில் வெளியாகவுள்ள நிலையில் அதே ஜனவரியில் நயன்தாரா நடித்த இன்னொரு திரைப்படமும் வெளியாகவுள்ளதாக அறிவிக்கப்பட்டுள்ளது. அதுதான் 'கொலையுதிர்க்காலம்'. இன்று வெளியான இந்த படத்தின் புதிய போஸ்டரில் 'ஜனவரி வெளியீடு' என்ற அறிவிப்பு வெளியாகியுள்ளது.

முக்கிய வேடத்தில் நயன்தாரா நடித்துள்ள இந்த படத்தை சக்ரி டோலட்டி இயக்கியுள்ளார். இவர் இதற்கு முன் கமல்ஹாசன் நடித்த 'உன்னை போல் ஒருவன்' படத்தை இயக்கியவர் என்பது குறிப்பிடத்தக்கது. யுவன்ஷங்கர் ராஜா தயாரித்து இசையமைத்துள்ள இந்த படத்திற்கு கோரி ஜெர்யக் ஒளிப்பதிவும், ராமேஷ்வர் பகவத் படத்தொகுப்பும் செய்துள்ளனர்.