சசிகுமார் நடித்த 'கொடிவீரன்' திரைப்படம் கடந்த சில வாரங்களுக்கு முன்பே ரிலீசுக்கு தயாராகி புரமோஷன்களும் ஜோராக நடந்து வந்தது. இந்த நிலையில் இந்த படம் வரும் 30ஆம் தேதி ரிலீஸ் செய்யவுள்ளதாக ஏற்கனவே அறிவிக்கப்பட்டுருந்தது

இந்த நிலையில் சமீபத்தில் சசிகுமாரின் உறவினர் அசோக்குமார் திடீரென தற்கொலை செய்து கொண்டதை அடுத்து 'கொடிவீரன்' திரைப்படம் திட்டமிட்டபடி வெளிவருமா? என்று சந்தேகம் ஏற்பட்டது.

இந்த நிலையில் இந்த படம் வரும் டிசம்பர் மாதம் 7ஆம் தேதி ரிலீஸ் ஆகும் என்று சற்றுமுன்னர் அறிவிக்கப்பட்டுள்ளது. அதுமட்டுமின்றி ரிலீஸ் தேதியுடன் கூடிய போஸ்டரும், அந்த போஸ்டரில் சென்னையில் ரிலீஸ் ஆகும் திரையரங்குகளின் விபரங்களும் உள்ளது. 

சசிகுமார், மஹிமா நம்பியார், சானுஷா, பாலசரவணன், பூர்ணா உள்ளிட்ட பலர் நடித்த இந்த படத்தை முத்தையா இயக்கியுள்ளார். ரகுநாதன் இசையமைப்பில், கதிர் ஒளிப்பதிவில், வெங்கட்ராஜன் படத்தொகுப்பில் உருவாகியுள்ள இந்த படத்தை சசிகுமாரின் கம்பெனி புரடொக்சன்ஸ் நிறுவனம் தயாரித்துள்ளது.