என் மகளின் படிப்புக்கு கேட்காமலே உதவியவர் அஜித். பிரபல நடிகர்
- IndiaGlitz, [Sunday,December 04 2016]
தல என்று அனைவரும் அன்போடு அழைக்கப்பட்டு வரும் அஜித், ஒரு சிறந்த நடிகர் மட்டுமின்றி சிறந்த மனிதநேயமும் உள்ளவர். விளம்பரம் இன்றி அவர் செய்யும் உதவிகள் பல. உதவி பெற்றவர் வெளியே சொன்னால்தான் அவர் செய்த உதவிகள் வெளியே தெரிய வரும்.
அந்த வகையில் பிரபல வில்லன் மற்றும் குணசித்திர நடிகர் ஒருவரின் மகள் படிப்பிற்கு அஜித் சுமார் 15 ஆண்டுகாலம் உதவி செய்துள்ளது தற்போது தெரிய வந்துள்ளது.
ஆம், அஜித் நடித்த ஆசை, வாலி போன்ற படங்களில் உதவி இயக்குநராக பணியாற்றியவரும், பிரசன்னா நடித்த கண்ணும் கண்ணும், புலிவால் போன்ற படங்களை இயக்கியவருமான ஜி.மாரிமுத்துவின் மகளின் எல்.கே.ஜி முதல் 12 ஆம் வகுப்பு வரையிலான படிப்புக்கு அஜித் உதவி செய்து வந்துள்ளார்.
வில்லன் மற்றும் குணசித்திர வேடங்களில் பல படங்களில் நடித்து வரும் ஜி.மாரிமுத்து சமீபத்தில் அளித்த ஒரு பேட்டியில் இந்த தகவலை கூறியுள்ளார்.