నాగ‌చైత‌న్య హీరోగా చందు మొండేటి ద‌ర్శ‌క‌త్వంలో రూపొందుతోన్న చిత్రం 'స‌వ్య‌సాచి'. ప్రేమ‌మ్ వంటి స‌క్సెస్ త‌ర్వాత చైత‌న్య‌, చందు మొండేటి కాంబినేష‌న్‌లో రానున్న సినిమా ఇది. ఈ సినిమా చిత్రీక‌ర‌ణ‌ను జ‌రుపుకుంటుంది. ఈ సినిమాలో హీరోయిన్‌గా నిధి అగ‌ర్వాల్ అనే బాలీవుడ్ హీరోయిన్ న‌టించ‌నుంది. నిజానికి నిధి బెంగ‌ళూరుకు చెందిన అమ్మాయి.

మున్నా మైకేల్ అనే బాలీవుడ్ చిత్రంలో హీరోయిన్‌గా నటించింది. ఇప్పుడు తెలుగులోకి ఎంట్రీ ఇవ్వ‌నుంద‌ని విశ్వ‌స‌నీయ వ‌ర్గాల స‌మాచారం. నిధి అగ‌ర్వాల్ కంటే ముందుగా నేహాశెట్టి, శ్ర‌ద్ధా శ్రీనాథ్ వంటి వారి పేర్లు కూడా ప‌రిశీల‌న‌లోకి వ‌చ్చాయట‌. కానీ నిధి అగ‌ర్వాల్‌కే యూనిట్ మొగ్గు చూపించింద‌ట‌. నిధి కూడా తెలుగులో న‌టించ‌డానికి ఆస‌క్తిని క‌న‌ప‌రిచింద‌ట‌. త్వ‌ర‌లోనే అధికార‌క ప్ర‌క‌టన వెలువ‌డ‌నుంది.