నంద‌మూరి బాల‌కృష్ణ‌, డైరెక్ట‌ర్ బోయపాటి శ్రీను కాంబినేష‌న్‌లో మూడో చిత్రం తెర‌కెక్కుతోన్న సంగ‌తి తెలిసిందే. సింహా, లెజెండ్ వంటి సూప‌ర్‌హిట్ చిత్రాల త‌ర్వాత ఈ క్రేజీ కాంబోపై భారీ అంచ‌నాలే ఉన్నాయి. ఇప్ప‌టికే ఓ షెడ్యూల్ చిత్రీక‌ర‌ణ‌ను పూర్తి చేసుకున్న బాల‌కృష్ణ.. కోవిడ్ ప్ర‌భావిత నేప‌థ్యంలో అంద‌రి స్టార్స్‌ను ఫాలో అవుతూ, త‌గు జాగ్ర‌త్త‌లు తీసుకుంటూ కొత్త షెడ్యూల్‌ను రీసెంట్‌గా స్టార్ట్ చేశారు.

ఈ సినిమాలో బాల‌కృష్ణ డ్యూయెల్ రోల్ పోషిస్తున్నార‌ని స‌మాచారం. అందులో ఓ హీరోయిన్‌గా మ‌ల‌యాళ భామ ప్ర‌యాగ మార్టిన్‌ను ఎంపిక చేశార‌ని వార్త‌లు వినిపిస్తున్నాయి. కాగా.. ఓ సీనియ‌ర్ హీరోయిన్ కూడా బాల‌య్య‌తో న‌టిస్తుంద‌ని టాక్ వ‌చ్చింది. ఆ హీరోయిన్ ఎవ‌రా అనే దానిపై చాలా వార్త‌లే వినిపించాయి. సిమ్రాన్‌, స్నేహ స‌హా చాలా మంది పేర్లు ప‌రిశీలించార‌ని స‌మాచారం. కానీ తాజా స‌మాచారం మేర‌కు పూర్ణ‌ను హీరోయిన్‌గా ఎంపిక చేశార‌ని అంటున్నారు. మ‌రి ఈ వార్త‌ల‌పై బాల‌య్య క్యాంప్ ఎలా స్పందిస్తుందో చూడాలి. ఈ సినిమాలో బాల‌కృష్ణ అఘోరా పాత్ర‌లోనూ క‌నిపిస్తార‌ట‌. మిర్యాల ర‌వీంద‌ర్ రెడ్డి ఈ చిత్రాన్ని నిర్మిస్తున్నారు.