சமீபத்தில் நடந்து முடிந்த ஐபிஎல் கிரிக்கெட் போட்டி தொடரில் சென்னை சூப்பர் கிங்ஸ் சாம்பியன் பட்டம் பெற்றது தெரிந்ததே. இந்த நிலையில் இந்த தொடரில் இறுதி போட்டிக்கு நெருங்கி வந்து பின்னர் வாய்ப்பை இழந்த அணி கொல்கத்தா அணி. இந்த அணியின் சிறந்த பேட்ஸ்மேனின் ஒருவரான நிதீஷ் ராணாவுக்கு சமீபத்தில் நிச்சயதார்த்தம் நடந்துள்ளது. விரைவில் திருமண தேதி அறிவிக்கப்படும் என்றும் கூறப்படுகிறது.

நிதீஷ் ராணா கடந்த இரண்டு ஆண்டுகளாக சாச்சி மார்வா என்பவரை காதலித்து வந்தார். இந்த காதலுக்கு இருவரது குடும்பத்தினர்களும் பச்சைக்கொடி காட்டியதை அடுத்து கடந்த ஞாயிறு அன்று திருமண நிச்சயதார்த்தம் நடந்துள்ளது.

விரைவில் திருமணம் செய்து இல்லற வாழ்வில் ஈடுபடவிருக்கும் ராணா-சாச்சிக்கு கொல்கத்தா நைட் ரைடர்ஸ் அணியினர் வாழ்த்து தெரிவித்துள்ளனர். இதுகுறித்து அந்த அணியின் சமூக வலைத்தள பக்கத்தில் 'ராணா-சாச்சிக்கு கொல்கத்தா நைட் ரைடர்ஸ் குடும்பத்தின் வாழ்த்துக்கள். இருவரும் வாழ்க்கை முழுவதும் மகிழ்ச்சியாக வாழ வாழ்த்துகிறோம்' என்று பதிவு செய்யப்பட்டுள்ளது. மேலும் சக கிரிக்கெட் வீரர்கள் ராணாவுக்கு வாழ்த்துக்களை தெரிவித்து வருகின்றனர்.