பாரதிராஜா இயக்கத்தில், நெப்போலியன், விஜயகுமார், ராதிகா உள்ளிட்ட பலர் நடித்த ’கிழக்கு சீமையிலே’ என்ற திரைப்படத்தில் நடித்த நடிகை பல ஆண்டுகளுக்கு பின் தற்போது மீண்டும் ரீஎண்ட்ரி ஆக இருப்பதாக தகவல் வெளியாகி உள்ளன.

’கிழக்கு சீமையிலே’ திரைப்படத்தில் ராதிகாவின் மகளாக நடித்த அஸ்வினி அதன்பிறகு பல திரைப்படங்களில் நடித்த நிலையில் தற்போது அவர் திருமணம் செய்து கொண்டு வெளிநாட்டில் செட்டில் ஆகிவிட்டார்.

இந்த நிலையில் நீண்ட இடைவெளிக்கு பிறகு தற்போது மீண்டும் நடிக்க ஆர்வமாக இருப்பதாகவும் சமீபத்தில் 90களில் நடித்த நடிகர் கலந்து கொண்ட பாட்டியல் பங்கேற்க சென்னை வந்ததாகவும் தெரிகிறது.

மீண்டும் ரீஎண்ட்ரி ஆவது குறித்து நடிகை அஸ்வினி கூறிய போது ’ஏற்கனவே தமிழ் சீரியல்களில் நடித்துள்ளேன், இப்போது மீண்டும் சீரியல் அல்லது வெப் சீரிஸ் எதுவென்றாலும் நடிக்க தயாராக இருக்கிறேன் என்று கூறியுள்ளார். இந்த நிலையில் தற்போது அஸ்வினிக்கு ஒரு வாய்ப்பு கிடைத்துள்ளதாகவும் அந்த வாய்ப்பு குறித்த முறையான அறிவிப்பு விரைவில் வெளியாகும் என்றும் கூறப்படுகிறது.