உலக நாயகன் கமலஹாசன் தொகுத்து வழங்கும் ’பிக்பாஸ் 4’ நிகழ்ச்சி விரைவில் ஒளிபரப்பாக உள்ளது என்பதும் இந்த நிகழ்ச்சியின் புரமோ வீடியோவை கமல்ஹாசன் தனது சமூக வலைதளப் பக்கத்தில் சமீபத்தில் வெளியிட்டு இருந்தார் என்பதும் தெரிந்ததே.

இந்த நிலையில் வரும் அக்டோபர் 10ம் தேதி முதல் பிக்பாஸ் நிகழ்ச்சி விஜய் டிவியில் ஒளிபரப்பாகும் என்று கூறப்படுகிறது. இதுகுறித்த அதிகாரபூர்வ அறிவிப்பு இன்னும் சில நாட்களில் வெளிவரும் என தெரிகிறது.

இந்த நிலையில் 'பிக்பாஸ் 4’ நிகழ்ச்சியில் ஏற்கனவே ரம்யா பாண்டியன், சூர்யா தேவி, புகழ், ஷிவானி நாராயணன், உள்பட பலர் பங்கேற்க உள்ளதாக செய்திகள் வெளியானது. தற்போது வெளிவந்துள்ள செய்தியின்படி நடிகை கிரண் ரத்தோட் இந்த நிகழ்ச்சியில் பங்கேற்க இருப்பதாக கூறப்படுகிறது.

அஜித் நடித்த 'வில்லன்’ விஜய் நடித்த ’திருமலை’ விக்ரம் நடித்த ’ஜெமினி’ கமலஹாசன் நடித்த ’அன்பே சிவம்’ உள்ளிட்ட பல தமிழ் திரைப்படங்களில் இவர் நடித்தவர் என்பதும் குறிப்பிடத்தக்கது.