వినూత్నమైన కథలతో దూసుకెళ్తున్నాడు యువ హీరో కిరణ్ అబ్బవరం. రాజావారు రాణివారు సినిమాతో తెలుగు తెరకు పరిచయమైన ఆయన రెండో సినిమా ఎస్ఆర్ కళ్యాణ మండపంతో యూత్‌కి బాగా కనెక్ట్ అయ్యారు. కిరణ్ నటించిన తాజా సినిమా .. సెబాస్టియన్ పీసీ 524. జ్యోవిత సినిమాస్‌ పతాకంపై ఎలైట్‌ ఎంటర్‌టైన్‌మెంట్‌ సమర్పిస్తోంది. కిరణ్‌ అబ్బవరం సరసన కోమలీ ప్రసాద్‌, నువేక్ష హీరోయిన్లుగా నటించారు.

శ్రీకాంత్‌ అయ్యంగార్‌, సూర్య, రోహిణీ రఘువరన్‌, ఆదర్ష్‌ బాలకృష్ణ, జార్జ్‌, సూర్య, మహేష్‌ విట్టా, రవితేజ, రాజ్‌ విక్రమ్‌, లత, ఇషాన్‌, రాజేష్‌ తదితరులు ప్రధాన పాత్రలు పోషించారు. బాలాజీ సయ్యపురెడ్డి దర్శకత్వం వహించిన ఈ సెబాస్టియన్‌ పిసి 524ను ప్రపంచవ్యాప్తంగా మార్చి 4న ప్రైమ్‌ షో ఎంటర్‌టైన్‌మెంట సంస్థ విడుదల చేస్తోంది. యంగ్, టాలెంటెడ్ హీరో కిరణ్ అబ్బవరం నటించిన లేటెస్ట్ మూవీ ‘‘సెబాస్టియన్ పీసీ 524’’. రేచికటి వున్న కానిస్టేబుల్ నైట్ డ్యూటీ చేయాల్సి వస్తే ఎలాంటి ఇబ్బందులు పడ్డాడు. ఎదుర్కొన్న కష్టాలు.. ఈ క్రమంలో ఎలాంటి హాస్యం ఎలా పండిందో చూడాలంటే ఈ సినిమా చూడాల్సిందే.

మహా శివరాత్రిని పురస్కరించుకుని.. సోమవారం సెబాస్టియన్ ట్రైలర్ రిలీజ్ చేశారు. రేచీకటితో ఇబ్బందిపడే పోలీస్ కానిస్టేబుల్... తనకి నైట్ షిఫ్టులు వేయవద్దని బాస్‌ను బ్రతుమలాడుకుంటూ ఉంటాడు. ‘‘ ఇదేమైనా సాఫ్ట్‌వేర్ ఆఫీసా? డే షిఫ్ట్ చేస్తా, నైట్ షిఫ్ట్ చేయను అనడానికి అంటూ పై అధికారి దొబ్బులు పెడుతూ వుంటాడు. ’’ ఆయన వినకపోతే .. తన డ్యూటీ చేసి పెట్టమని తోటి పోలీస్‌లను రిక్వెస్ట్ చేసుకుంటూ ఉంటాడు. ఇదిలావుండగా సెబాస్టియన్ ఒక అమ్మాయితో ప్రేమలో పడతాడు. రోజులు బాగానే గడిచిపోతున్నాయని అనుకునే సమయంలోనే అతను నైట్ డ్యూటీ చేయవలసి వస్తుంది. ఆ రోజు రాత్రి అతని జీవితం ఎలాంటి మలుపు తిప్పిందనేదే సినిమా కథ. మలుపులు, కామెడీ, రోమాన్స్, సెంటిమెంట్ అన్ని అంశాలు మెళవించిన సెబాస్టియన్ మంచి హిట్ కొట్టే అవకాశాలు కనిపిస్తున్నాయి.