'தலைகாலு புரியலை' : சசிகுமாருடன் இணைந்த கவுதம் மேனன்
- IndiaGlitz, [Wednesday,July 13 2016]
சசிகுமார் நடித்த 'வெற்றிவேல்' திரைப்படம் சமீபத்தில் வெளியாகி நல்ல வரவேற்பை பெற்ற நிலையில் அவர் அடுத்ததாக நடித்த 'கிடாரி' படத்தின் படப்பிடிப்பு சமீபத்தில் முடிவடைந்தது. இந்த படத்தின் போஸ்ட் புரடொக்ஷன்ஸ் பணிகள் நடைபெற்று வரும் நிலையில் இந்த படத்தின் சிங்கிள் டிராக் ரிலீஸ் ஆகும் தேதி மற்றும் நேரம் குறித்த தகவல் வெளிவந்துள்ளது.
'கிடாரி' படத்திற்கு இசையமைத்துள்ள தர்புகா சிவா, கம்போஸ் செய்த 'தலைகாலு புரியலை' என்று தொடங்கும் பாடல் நாளை மறுநாள் அதாவது ஜூலை 15ஆம் தேதி காலை 10 மணிக்கு ரிலீஸ் ஆகவுள்ளது. மோகன்ராஜ் எழுதிய இந்த பாடலை அனிதா மற்றும் வேல்முருகன் பாடியுள்ளனர். இந்த பாடலை பிரபல இயக்குனர் கவுதம் மேனன் ரிலீஸ் செய்யவுள்ளார்.
'வெற்றிவேல்' படத்தில் சசிகுமாருக்கு ஜோடியாக நடித்த நிகிலா மீண்டும் ஒருமுறை இந்த படத்தில் சசிகுமாருக்கு ஜோடியாக நடித்துள்ளார் என்பதும் நெப்போலியன் இந்த படத்தில் மீண்டும் ரிஎண்ட்ரி ஆகிறார் என்பதும் குறிப்பிடத்தக்கது. எஸ்.ஆர்.கதிர் ஒளிப்பதிவில், பிரவீண் அந்தோணி படத்தொகுப்பில் உருவாகி வரும் இந்த படத்தை பிரசாந்த் முருகேசன் இயக்கி வருகிறார்.