కిక్2 వల్ల నష్టపోయారా?
- IndiaGlitz, [Sunday,December 13 2015]
కె.కె.రాధామోహన్ నిర్మించిన సినిమా బెంగాల్ టైగర్. ఇటీవ‌ల విడుద‌లైంది. ఈ సినిమా గురించి రాధామోహన్ మాట్లాడుతూ ''నా అదృష్టం ఏమోగానీ నేను ఏ సినిమా చేసినా నా తర్వాత ఆ హీరోల‌తో సినిమాలు చేసేవారు లాభ‌ప‌డుతారు. నాకు మాత్రం అలాంటి లాభాల‌ను చూసే అవ‌కాశ‌మే రాలేదు. అధినేత, ప్యార్ మే ప‌డిపోయానే, ఏమైంది ఈ వేళ, ఇప్పుడు బెంగాల్ టైగర్... నేను చేసిన సినిమాలు విడుద‌లైన తర్వాత ఆయా హీరోల త‌దుప‌రి సినిమాల‌కు మంచి క్రేజ్ వ‌చ్చింది. అదే నాకు బెంగాల్ టైగర్ బిజినెస్ విష‌యంలో కాస్త న‌ష్టం జ‌రిగిన మాట వాస్త‌వ‌మే. మా హీరో న‌టించిన కిక్ 2 స‌రిగా ఆడ‌క‌పోవ‌డంతో ఆ ప్ర‌భావం మా బెంగాల్ టైగర్ బిజినెస్‌పై పడింది. డిస్ట్రిబ్యూట‌ర్లు చాలా బేర‌మాడారు. ఇప్పుడు వారు మా సినిమా వ‌సూళ్ళ‌తో హ్యాపీ'' అని చెప్పుకొచ్చారు.