మహేష్ పై కైరా ప్రశంసల వర్షం
- IndiaGlitz, [Thursday,February 22 2018]
సూపర్ స్టార్ మహేష్ బాబు క‌థానాయ‌కుడిగా తెరకెక్కుతున్న చిత్రం 'భరత్ అనే నేను'. పొలిటికల్ థ్రిల్లర్‌గా రూపుదిద్దుకుంటున్న ఈ సినిమాకి కొరటాల శివ దర్శక‌త్వం వ‌హిస్తున్నారు. ఇందులో మహేష్ సమైఖ్యాంధ్ర ముఖ్యమంత్రి పాత్రలో కనిపిస్తున్నారు. బాలీవుడ్ నటి కైరా అద్వాని ఈ సినిమా ద్వారా తెలుగు తెర‌కు ప‌రిచ‌య‌వుతున్న సంగ‌తి తెలిసిందే.
తాజాగా ఈ ముద్దుగుమ్మ మహేష్ గురించి కొన్ని ఆసక్తికరమైన విషయాలను వెల్లడించింది. ఆమె మాట‌ల్లోనే చెప్పాలంటే.. "మహేష్ చాలా సింపుల్‌గా ఉంటారు. నేను షూటింగ్‌లో తెలుగు డైలాగ్స్‌ నేర్చుకునేంతవరకు ఎంతో ఓపిగ్గా వేచి ఉంటారు. ఎప్పుడు మాట్లాడినా.. సినిమాల గురించే మాట్లాడతారు. ఆయనకు ఎప్పుడు సినిమాల పైనే ధ్యాస. ఆయన ప్రవర్తన నన్ను బాగా ఆకట్టుకుంద" ని మహేష్ పై ప్రశంసల వర్షం కురిపించింది.
ఇటీవల సినిమాటోగ్రాఫర్ తిరు కూడా మహేష్ పై ప్రశంసలు కురిపించిన విషయం విదితమే. ప్రస్తుతం హైదరాబాద్‌లో చిత్రీకరణ జరుపుకుంటున్న ఈ చిత్రానికి దేవిశ్రీ ప్రసాద్ స్వరాలను సమకూరుస్తున్నారు. డి.వి.వి.దానయ్య నిర్మిస్తున్న ఈ చిత్రం ఏప్రిల్ 21న గాని 22న గాని విడుదల అయ్యే అవ‌కాశ‌ముంది.