நடிகை குஷ்புவுக்கு அறுவை சிகிச்சையா? சிறந்த மருந்து இதுதானாம்!
- IndiaGlitz, [Sunday,April 24 2022]
நடிகையும் பாஜக பிரபலமுமான குஷ்பு கடந்த இரண்டு நாட்களுக்கு முன்னர் சென்னை அப்பல்லோ மருத்துவமனையில் அனுமதிக்கப்பட்டு இருந்தார் என்று அவரே சில புகைப்படங்களை தனது இன்ஸ்டாகிராம் பக்கத்தில் வெளியிட்டு இருந்தார் என்பதை பார்த்தோம்.
அவருடைய உடலுக்கு என்ன பிரச்சனை என்று தெரியவில்லை என்றாலும் அவர் விரைவில் குணமாக வேண்டும் என்று ரசிகர்கள் அவருக்கு வாழ்த்து தெரிவித்தனர். இந்த நிலையில் தனக்கு அறுவை சிகிச்சை நடந்ததாகவும் அறுவை சிகிச்சைக்கு பின்னர் தற்போது மீண்டும் தினசரி பணிகளை தொடங்கி விட்டதாகவும் குஷ்பு தெரிவித்துள்ளார். இருப்பினும் அவர் தனக்கு என்ன அறுவை சிகிச்சை நடந்தது என்பது குறித்த தகவலை தெரிவிக்க வில்லை. மேலும் முழுமையான வேலையில் ஈடுபடுவதுதான் நோயிலிருந்து குணமாக மிகச்சிறந்த மருந்து என்றும் அவர் தெரிவித்துள்ளார்.
நடிகை குஷ்பு தற்போது ‘மீரா’ என்ற தொலைக்காட்சி தொடரில் நடித்து வருகிறார் என்பதும், இந்த தொடர் கலர்ஸ் தொலைக்காட்சியில் ஒளிபரப்பாகி வருகிறது என்பதும் குறிப்பிடத்தக்கது.