ఖుష్బూకు తప్పిన పెను ప్రమాదం..
- IndiaGlitz, [Wednesday,November 18 2020]
బీజేపీ నాయకురాలు నటి ఖుష్బూ సుందర్‌కు పెను ప్రమాదం తప్పింది. రోడ్డు ప్రమాదంలో ఖష్బూకు గాయాలయ్యాయి. బుధవారం ఖుష్బు ప్రయాణిస్తున్న కారును చెంగల్పట్టు దగ్గర కంటైనర్‌ను ఢీకొట్టింది. కారులో ఎయిర్‌ బెలూన్లు తెరుచుకోవడంతో ప్రాణాపాయం తప్పింది. ప్రమాదం జరిగిన సమయంలో కారులోని ఎయిర్‌బెలూన్స్ తెరుచుకోవడంతో ఖుష్బు సురక్షితంగా బయటపడ్డారు.
కాగా.. ఈ విషయమై ఘటన జరిగిన వెంటనే ఖుష్బూ ట్వీట్ చేశారు. కడలూరు వెళుతుండగా మార్గమధ్యంలో మెల్మర్వతూర్ వద్ద తాము ప్రయాణిస్తున్న కారుని ట్యాంకర్ ఢీకొట్టిందని ఆమె వెల్లడించారు. దేవుడి దయ వల్ల సురక్షితంగా బయటపడ్డామన్నారు. పోలీసులు కేసు దర్యాప్తు చేస్తున్నారని ఖుష్బూ ట్వీట్‌లో వెల్లడించారు. అయితే కారులో ఖుష్బూ ఒక్కరే ప్రయాణిస్తున్నారా? లేదంటే మరెవరైనా ఉన్నారా? అనే విషయంలో మాత్రం స్పష్టత రాలేదు.