நடிகை, தயாரிப்பாளராக மட்டுமின்றி காங்கிரஸ் கட்சியின் அகில இந்திய செய்தி தொடர்பாளராகவும் இருந்து வருகிறார் குஷ்பு. மேலும் அவர் தனது சமூக வலைத்தளங்கள் மூலம் ஆக்கபூர்வமாக சமுதாய பிரச்சனைகளுக்கு குரல் கொடுத்து வருகிறார். அதே நேரத்தில் தன்னை விமர்சனம் செய்பவர்களுக்கும் டுவிட்டரின் மூலமே பதிலடி கொடுத்து வருபவர் குஷ்பு

இந்த நிலையில் குஷ்புவை பாஜகவினர் சிலர் அவரது இயற்பெயரான நக்கத் கான் என்று கூறி கிண்டல் செய்தனர். இதற்கு பதிலளித்த குஷ்பு, என் இயற்பெயரை இப்போதுதான் தெரிந்து கொண்டீர்களா? நான் என் இயற்பெயரை என்றுமே மறுத்ததும் இல்லை, மறக்கவில்லை. ஆமாம், என் பெயர் நக்கத் கான் தான், இனிமேல் என்னுடைய டுவிட்டரும் அதே பெயரில்தான் இருக்கும் என்று அதிரடியாக கூறியுள்ளார்.

அவ்வாறு கூறியது மட்டுமின்றி டுவிட்டரில் தனது பெயரையும் அவர் நக்கத் கான் என்று மாற்றி இந்த பெயர் பாஜகவினர்களுக்கு மட்டும் என்று குறிப்பிட்டுள்ளார். குஷ்புவின் இந்த துணிச்சலுக்கு அவரது ஃபாலோயர்கள் பாராட்டு தெரிவித்து வருகின்றனர்.