నిజ ఘటన..క్లిష్టమైన కేసు ఆధారంగా తెరకెక్కిన 'ఖాకి'
- IndiaGlitz, [Thursday,November 16 2017]
కార్తి, రకుల్ జంటగా నటించిన చిత్రం 'ఖాకి'. ఈ సినిమా నవంబర్ 17న విడుదలవుతోంది. 1995-2005 బ్యాక్డ్రాప్లో సాగే ఈ సినిమాను దర్శకుడు వినోద్ ఓ నిజఘటనను ఆధారంగా చేసుకుని తెరకెక్కించారు. పోలీసులకు సవాలుగా మారిన ఓ కేసుని వారు..పదేళ్లు కష్టపడి చేధించిన తీరుని సినిమా రూపంలో 'ఖాకి' రూపంంలో ఆవిష్కృతం కానుంది.
ఈ సినిమా ట్రైలర్ చూస్తే..నలుగురు ఫింగర్ ప్రింట్స్.. వంద కోట్ల మందిలో ఎవరికి మ్యాచ్ అవుతుందో తెలుసుకోవడం ఎలా అని ఓ పోలీసు వేసే ప్రశ్నలో సినిమా ఎలాంటి సీరియస్ కాన్సెప్ట్తో తెరకెక్కిందో అర్థం చేసుకోవచ్చు.
తొలిసారి నిర్మాణ రంగంలో అడుగుపెడుతున్న ఆదిత్య మ్యూజిక్స్ అధినేతలు ఉమేష్ గుప్తా, సుభాష్ గుప్తా ఈ సినిమాను రెండు తెలుగు రాష్ట్రాల్లో ప్రెస్టీజియస్ ప్రాజెక్ట్లా భారీ రేంజ్లో విడుదల చేస్తున్నారు. సినిమాపై భారీ అంచనాలను మించేలా సినిమా ఉంటుందని యూనిట్ వర్గాలు ఎంతో కాన్ఫిడెంట్గా ఉన్నాయి.