ఖైదీ నెం150 ఆడియోకు గెస్ట్ లు వీళ్లే..!
- IndiaGlitz, [Friday,November 25 2016]
మెగాస్టార్ చిరంజీవి 150వ చిత్రం ఖైదీ నెం 150. యువ సంగీత సంచ‌ల‌నం దేవిశ్రీప్ర‌సాద్ సంగీతం అందించిన ఖైదీ నెం 150 ఆడియో వేడుక‌ను డిసెంబ‌ర్ రెండో వారంలో ఘ‌నంగా నిర్వ‌హించేందుకు ప్లాన్ చేస్తున్నారు. రామ్ చ‌ర‌ణ్ ధృవ సినిమా రిలీజ్ త‌ర్వాత ఈ ఫంక్ష‌న్ చేస్తే... ధృవ స‌క్సెస్ తో ఫ్యాన్స్ లో జోష్ వ‌స్తుంద‌నేది ఆలోచ‌న.
అయితే...ఈ భారీ ఆడియో వేడుక‌కు మెగా హీరోలే కాకుండా మిగిలిన హీరోల‌ను కూడా పిల‌వాల‌ని ఫిక్స్ అయ్యార‌ట చిరు. ఇప్ప‌టికే చిరంజీవి...నాగార్జున, వెంక‌టేష్, మోహ‌న్ బాబులను ఆహ్వానించడం...ఓకే అన‌డం జ‌రిగింద‌ని స‌మాచారం. ఇక యంగ్ హీరోల‌ను మెగా హీరోలు ఆహ్వానిస్తార‌ట. సో...టాలీవుడ్ టాప్ హీరోల‌తో పాటు యంగ్ హీరోలు కూడా పాల్గొనే ఈ భారీ ఆడియో ఫంక్ష‌న్ కి ప్ర‌స్తుతం ఏర్పాట్లు జ‌రుగుతున్నాయి. ఈ ఫంక్ష‌న్ ఎప్పుడు..? ఎక్క‌డ నిర్వ‌హించేది త్వ‌ర‌లోనే తెలియ‌చేయ‌నున్నారు.