ఖైదీ నెం150 యు & మి మెలోడి అదిరింది..!
- IndiaGlitz, [Wednesday,December 28 2016]
మెగాస్టార్ చిరంజీవి న‌టిస్తున్న 150వ చిత్రం ఖైదీ నెం 150. యువ సంగీత సంచ‌ల‌నం దేవిశ్రీప్ర‌సాద్ మ్యూజిక్ అందించిన ఖైదీ నెం 150 చిత్రంలోని ఒక్కొక్క పాట‌ను రిలీజ్ చేస్తున్న విష‌యం తెలిసిందే. అమ్మ‌డు లెట్స్ డు కుమ్ముడు, సుంద‌రి సాంగ్స్ రిలీజ్ చేసిన ఖైదీ నెం 150 టీమ్ ఈరోజు యు & మి సాంగ్ రిలీజ్ చేసారు. శ్రేయాఘోష‌ల్, హ‌రిహ‌ర‌న్ పాడిన ఈ మెలోడి సాంగ్ విశేషంగా ఆక‌ట్టుకుంటుంది.
చాలా రోజుల త‌ర్వాత మ‌ళ్లీ ఓ అంద‌మైన మెలోడి సాంగ్ విన్నాం అనే ఫీలింగ్ క‌లిగిస్తుంది. పాట వింటుంటేనే ఇలా ఉంటే....ఇక చిరంజీవి, కాజ‌ల్ పై చిత్రీక‌రించిన ఈ పాట థియేట‌ర్స్ లో చూస్తే...ఎలా ఉంటుందో ఊహించుకోవ‌చ్చు. జ‌న‌వ‌రి 1న నూత‌న సంవ‌త్స‌రం కానుక‌గా పాట‌ల‌ను డైరెక్ట్ గా మార్కెట్ లోకి రిలీజ్ చేయ‌నున్నారు. సంక్రాంతి కానుక‌గా ఖైదీ నెం 150 ప్ర‌పంచ వ్యాప్తంగా ప్రేక్ష‌కుల ముందుకు వ‌చ్చేందుకు రెడీ అవుతుంది.