మెగాస్టార్ చిరంజీవి లేటెస్ట్ సెన్సేష‌న్ ఖైదీ నెం 150. ఈ చిత్రంలో చిరంజీవి స‌ర‌స‌న కాజ‌ల్ అగ‌ర్వాల్ న‌టించింది. డైన‌మిక్ డైరెక్ట‌ర్ వి.వి.వినాయ‌క్ ఈ భారీ చిత్రాన్నితెర‌కెక్కిస్తున్నారు. మెగాప‌వ‌ర్ స్టార్ రామ్ చ‌ర‌ణ్ నిర్మిస్తున్న ఖైదీ నెం 150 చిత్రంలోని అమ్మ‌డు లెట్స్ డు కుమ్ముడు, సుంద‌రి సాంగ్స్ రిలీజ్ చేయ‌డం..ఈ రెండు పాట‌లు విశేషంగా ఆక‌ట్టుకోవ‌డం తెలిసిందే.

ఇక ముచ్చ‌ట‌గా మూడ‌వ పాట‌ను ఈనెల 28న రిలీజ్ చేయ‌డానికి ప్లాన్ చేస్తున్నారు. యు & మి అంటూ సాగే పాట‌ను ఈనెల 28న సాయంత్రం 6 గంట‌ల‌కు రిలీజ్ చేయ‌నున్నారు. సంగీత సంచ‌ల‌నం దేవిశ్రీప్రసాద్ మ్యూజిక్ అందించిన ఆడియోను జ‌న‌వ‌రి 1న డైరెక్ట్ గా మార్కెట్ లో రిలీజ్ చేసి, జ‌న‌వ‌రి 4న విజ‌య‌వాడ‌లో భారీ స్ధాయిలో ప్రీ రిలీజ్ ఫంక్ష‌న్ చేయ‌డానికి ఏర్పాట్లు చేస్తున్నారు. సంక్రాంతి కానుక‌గా ఖైదీ నెం 150 చిత్రాన్ని గ్రాండ్ గా రిలీజ్ చేయ‌నున్నారు.