మెగాస్టార్ చిరంజీవి దాదాపు ప‌దేళ్ల త‌ర్వాత న‌టించిన ఖైదీ నెం 150 చిత్రం తెలుగు రాష్ట్రాల్లోనే కాకుండా ప్ర‌పంచ వ్యాప్తంగా సంచ‌ల‌నం సృష్టిస్తుంది. ఈ చిత్రం ఫ‌స్ట్ డే ప్ర‌పంచ వ్యాప్తంగా 47 కోట్ల 7 ల‌క్ష‌లు వ‌సూలు చేసింద‌ని మెగా ప్రొడ్యూస‌ర్ అల్లు అర‌వింద్ అఫిషియ‌ల్ గా ఎనౌన్స్ చేసిన విష‌యం తెలిసిందే.

ఫ‌స్ట్ డే నుంచి ఖైదీ అదే జోరు కొన‌సాగిస్తున్నాడు. ఇక ఓవ‌ర్ సీస్ క‌లెక్ష‌న్స్ విష‌యానికి వ‌స్తే...తొలి రోజే 1 మిలియ‌న్ మార్క్ ను అందుకుని సెన్సేష‌న్ క్రియేట్ చేసింది. ఇప్ప‌టికీ క‌లెక్ష‌న్స్ ఏమాత్రం త‌గ్గ‌కుండా అదే స్పీడుతో దూసుకెళుతుండ‌డం విశేషం. ఇప్ప‌టి వ‌ర‌కు 1.82 మిలియ‌న్ వ‌సూలు చేసింది. ఆదివారం 2 మిలియ‌న్ ను క్రాస్ చేస్తుంద‌ని అంచ‌న.

ప‌దేళ్ల త‌ర్వాత చిరంజీవి న‌టించిన సినిమా కావ‌డం, డైన‌మిక్ డైరెక్ట‌ర్ వినాయ‌క్ టేకింగ్, దేవిశ్రీప్ర‌సాద్ మ్యూజిక్, ర‌త్న‌వేలు సినిమాటోగ్ర‌ఫీ విశేషంగా ఆకట్టుకోవ‌డంతో ప్రేక్ష‌కాభిమానుల నుంచి ఖైదీ నెం 150కి ఊహించిన దానికంటే ఎక్కువ స్పంద‌న ల‌భిస్తుంది. ఫ‌స్ట్ వీకెండ్ కే ఓవ‌ర్ సీస్ లో 2 మిలియ‌న్ క్రాస్ చేస్తే...ఫుల్ ర‌న్ లో ఇంకెంత క‌లెక్ట్ చేస్తుందో ఎంత‌టి సంచ‌ల‌నం సృష్టిస్తుందో చూడాలి..!