ఖైదీ నెం 150 నెక్ట్స్ షెడ్యూల్ డీటైల్స్..!
- IndiaGlitz, [Tuesday,November 22 2016]
మెగాస్టార్ చిరంజీవి న‌టిస్తున్న 150వ చిత్రం ఖైదీ నెం 150 శ‌ర‌వేగంగా షూటింగ్ జ‌రుపుకుంటుంది. డైన‌మిక్ డైరెక్ట‌ర్ వినాయ‌క్ ఈ చిత్రాన్ని తెర‌కెక్కిస్తున్నారు. ఇటీవ‌ల యూర‌ప్ లో చిరంజీవి, కాజ‌ల్ పై రెండు పాట‌ల‌ను చిత్రీక‌రించారు. జానీ & శేఖ‌ర్ మాస్ట‌ర్స్ నృత్య ద‌ర్శ‌క‌త్వంలో ఈ రెండు పాట‌ల‌ను చిత్రీక‌రించారు. నెక్ట్స్ షెడ్యూల్ ను హైద‌రాబాద్ లో ప్లాన్ చేసిన‌ట్టు స‌మాచారం.
ఈ తాజా షెడ్యూల్ లో కోర్టు స‌న్నివేశాల‌ను చిత్రీక‌రించ‌నున్నారు. ఈ కోర్టు సీన్స్ , డైలాగ్స్ సినిమాకి హైలైట్స్ గా నిలిచేలా రూపొందిస్తున్నార‌ట. ఈ షెడ్యూల్ తో షూటింగ్ మొత్తం పూర్త‌వుతుంది. దేవిశ్రీప్ర‌సాద్ సంగీతం అందిస్తున్న ఖైదీ నెం 150 ఆడియోను డిసెంబ‌ర్ లో గ్రాండ్ గా రిలీజ్ చేసేందుకు ఏర్పాట్లు చేస్తున్నారు. కొణిదెల ప్రొడ‌క్ష‌న్ కంపెనీ పై రూపొందుతున్న ఈ భారీ చిత్రాన్ని సంక్రాంతి కానుక‌గా రిలీజ్ చేయ‌నున్నారు.