మెగాస్టార్ చిరంజీవి న‌టించిన ప్రెస్టేజీయ‌స్ మూవీ ఖైదీ నెం 150. మాస్ డైరెక్ట‌ర్ వి.వి.వినాయ‌క్ ఈ భారీ చిత్రాన్ని తెర‌కెక్కించారు. కొణిదెల ప్రొడ‌క్ష‌న్ కంపెనీ బ్యాన‌ర్ పై మెగా ప‌వ‌ర్ స్టార్ రామ్ చ‌ర‌ణ్ ఈ చిత్రాన్నినిర్మించారు. ఇప్ప‌టి వ‌ర‌కు ఒక్కో సాంగ్ ను రిలీజ్ చేసిన ఖైదీ నెం 150 టీమ్ ఈరోజు మేకింగ్ వీడియో రిలీజ్ చేసారు.ఇందులో ఫైట్ మాస్ట‌ర్స్ రామ్ ల‌క్ష్మ‌ణ్ నేతృత్వంలో చిత్రీక‌రించిన యాక్ష‌న్ సీన్స్ చిత్రీక‌ర‌ణకు సంబంధించిన సీన్స్ మేకింగ్ చూపించారు.

వినాయ‌క్ టేకింగ్, రామ్ ల‌క్ష్మ‌ణ్ ఫైట్స్ చిత్రీక‌రించిన విధానం చూస్తుంటే...మాస్ ఆడియోన్స్ కు ఈ యాక్ష‌న్ సీన్స్ విప‌రీతంగా న‌చ్చుతాయి అన‌డంలో ఎలాంటి సందేహం లేదు. ఫైట్ మాస్ట‌ర్స్ రామ్ ల‌క్ష్మ‌ణ్ మాట్లాడుతూ....చిరంజీవి గారి సినిమాలు చూస్తూ...ఆయ‌నలా న‌డ‌వ‌డానికి ట్రై చేసేవాళ్లం. ఇప్పుడు ఆయ‌న సినిమాకి ఫైట్స్ కంపోజ్ చేయ‌డం చాలా సంతోషంగా ఉంది అని తెలియ‌చేసారు.సంక్రాంతి కానుక‌గా ప్రేక్ష‌కుల‌ను అల‌రించేందుకు మెగాస్టార్ ఈనెల 11న ప్రేక్ష‌కుల ముందుకు రానున్నారు.