ఖైదీ నెం 150 ఆడియో రిలీజ్ వాయిదా..!
- IndiaGlitz, [Thursday,December 22 2016]
అటు అభిమానులు, ఇటు ఇండ‌స్ట్రీ ఎప్పుడెప్పుడా అని ఆస‌క్తిగా ఎదురు చూస్తున్న సినిమా మెగాస్టార్ ఖైదీ నెం 150. ఈ చిత్రాన్ని డైన‌మిక్ డైరెక్ట‌ర్ వినాయ‌క్ తెర‌కెక్కిస్తున్నారు. యువ సంగీత సంచ‌ల‌నం దేవిశ్రీప్ర‌సాద్ సంగీతం అందించిన ఖైదీ నెం 150 ఆడియోను క్రిస్మ‌స్ కానుక‌గా ఈనెల 25న విజ‌య‌వాడ‌లో భారీ స్ధాయిలో రిలీజ్ చేయాలి అనుకున్నారు.
ఆత‌ర్వాత ఆడియో ఫంక్ష‌న్ క్యాన్సిల్ చేసి ఈనెల 25న డైరెక్ట్ మార్కెట్ లోకి రిలీజ్ చేయాలి అనుకున్నారు. అయితే...తాజా స‌మాచారం ప్ర‌కారం....ఈనెల 25న ఖైదీ నెం 150 ఆడియోను డైరెక్ట్ గా మార్కెట్ లో రిలీజ్ చేయాలి అనుకున్న‌ప్ప‌టికీ వాయిదా వేసారు. నూత‌న సంవ‌త్స‌ర కానుక‌గా జ‌న‌వ‌రి 1న డైరెక్ట్ గా ఆడియోను మార్కెట్ లో రిలీజ్ చేయ‌నున్నారు. ఇక జ‌న‌వ‌రి 4న ప్రీ రిలీజ్ ఫంక్ష‌న్ చేయ‌డానికి ప్లాన్ చేస్తున్నారు. ఖైదీ నెం 150 చిత్రాన్ని ప్ర‌పంచ వ్యాప్తంగా సంక్రాంతి కానుక‌గా రిలీజ్ చేయ‌నున్నారు.