நடிகர் யாஷ் நடித்த ’கேஜிஎப்’ திரைப்படத்தில் கொடூர வில்லனாக நடித்த கருடாவின் மனைவி மற்றும் குழந்தைகள் புகைப்படம் இணையதளங்களில் வைரல் ஆகி வருகிறது.

யாஷ் நடித்த ’கேஜிஎப்’ திரைப்படத்தின் மூலம் நடிகராக அறிமுகமானவர் ராமச்சந்திர ராஜு. இவர் கருடா என்ற கேரக்டரில் இந்த படத்தில் நடித்ததால் அவரை ரசிகர்கள் கருடா என்று அவரை அழைத்து வருகின்றனர்.

கார்த்தி நடித்த ’சுல்தான்’ விஜய் ஆண்டனி நடித்த ’கோடியில் ஒருவன்’ ஆகிய படங்களில் நடித்த ராமச்சந்திர ராஜு கடந்த ஆண்டு வெளியான அருண் விஜய்யின் ’யானை’ படத்தில் ஒரு முக்கிய கேரக்டரில் இரட்டை வேடங்களில் நடித்திருந்தார். தற்போது அவர் ’ஜன கன மன’ என்ற தமிழ் படத்திலும் ஒரு மலையாள படத்திலும் நடித்து வருகிறார் என்பது குறிப்பிடத்தக்கது.

இந்த நிலையில் நடிகர் ராமச்சந்திர ராஜுவின் குடும்ப புகைப்படங்கள் தற்போது இணையத்தில் வைரல் ஆகி வருகின்றன. அவருடைய மனைவி மகன் மற்றும் மகள் இருக்கும் இந்த புகைப்படங்களை பார்த்து கொடூர வில்லன் வேடத்தில் நடித்த கருடாவுக்கு இப்படி ஒரு அழகான குடும்பமா என ரசிகர்கள் வாழ்த்து தெரிவித்து வருகின்றனர்.