క‌న్న‌డ రాకింగ్ స్టార్ య‌ష్ హీరోగా ప్ర‌శాంత్ నీల్ ద‌ర్శ‌క‌త్వంలో రూపొందిన చిత్రం ‘కేజీయ‌ఫ్ చాప్ట‌ర్ 1’. ఈ సినిమా రెండో పార్టుగా ‘కేజీయ‌ఫ్ చాప్ట‌ర్ 2’ సెట్స్‌పై ఉంది. పాన్ ఇండియా చిత్రంగా తెలుగు, క‌న్న‌డ‌, హిందీ, త‌మిళ‌, మ‌ల‌యాళ భాష‌ల్లో హోంబలే ఫిలిమ్స్ బ్యానర్‌పై ఈ సినిమాను నిర్మిస్తున్నారు. అయితే ఈ సినిమాకు సంబంధించి శాటిలైట్ హ‌క్కులు ఇంకా అమ్ముడు కాలేదు. అయితే ఓ తెలుగు లోక‌ల్ ఛానెల్ రీసెంట్‌గా ఈ సినిమాను ప్రేక్ష‌కుల కోసం ప్ర‌ద‌ర్శించింది. దీనిపై కేజీయ‌ఫ్ నిర్మాత‌లు ఆగ్ర‌హాన్ని వ్య‌క్తం చేశారు.

దాదాపు త‌మ శాటిలైట్ హ‌క్కులు పూర్తి కావ‌స్తున్న త‌రుణంలో తెలుగు లోక‌ల్ ఛానెల్ త‌మ సినిమాను ప్ర‌ద‌ర్శిస్తున్నార‌ని వారిపై చ‌ట్ట‌ప‌ర‌మైన చ‌ర్య‌లు తీసుకుంటామ‌ని నిర్మాత‌లు తెలిపారు. స‌ద‌రు లోక‌ల్ ఛానెల్ తమ సినిమాను వారి ఛానెల్‌లో ప్ర‌ద‌ర్శిస్తున్న‌ట్లు త‌మ వ‌ద్ద ఫొటో, వీడియో ప్రూఫ్‌లున్నాయన్నారు. ఈ విష‌యాన్ని కేజీయ‌ఫ్ నిర్మాత‌లు ట్విట్ట‌ర్ వేదిక‌గా తెలిపారు. ప్ర‌స్తుతం కేజీయ‌ఫ్ చాప్ట‌ర్ 2 చిత్రీక‌ర‌ణ తుది ద‌శ‌కు చేరుకుంది. క‌రోనా ప్ర‌భావం లేకుండా ఉండుంటే కేజీయ‌ప్ రెండో పార్ట్ అక్టోబ‌ర్‌లో విడుదల కావాల్సింది. కానీ ఇప్పుడు క‌రోనా ప్ర‌భావంతో సినిమా విడుద‌ల వాయిదా ప‌డింది.