ఎవ‌రి అండ‌దండ‌లు లేకుండా క‌న్న‌డ నాట సూప‌ర్ స్టార్ రేంజ్‌కు ఎదిగాడు హీరో య‌ష్‌. ఈయ‌న న‌టించిన కె.జి.ఎఫ్ చిత్రం క‌న్న‌డ మార్కెట్ రేంజ్‌ను ఎక్క‌డికో తీసుకెళ్లింది. ఈయ‌న‌కు ఫ్యాన్ ఫాలోయింగ్ కూడా చాలా ఎక్కువే. సేవా కార్య‌క్ర‌మాలు కూడా చేస్తుంటాడు.

సినిమాల‌కు, రాజ‌కీయాల‌కున్న స‌త్సంబంధాల కార‌ణంగా.. ఈ హీరో రాజ‌కీయాల్లోకి ఎంట్రీ ఇచ్చేశాడు. అయితే డైరెక్ట్‌గా కాదు. ఇన్ డైరెక్ట్‌గా.. ఎలాగంటే సీనియ‌ర్ న‌టుడు, రాజ‌కీయ నాయకుడైన అంబ‌రీష్ ఇటీవ‌ల అనారోగ్యంతో క‌న్నుమూసిన సంగ‌తి తెలిసిందే. ఆయ‌న భార్య‌, సినీ నటి సుమ‌ల‌త లోక‌స‌భ స్థానాన్ని ఆశించారు. కానీ ఆమెకు టికెట్ ద‌క్క‌లేదు.

దీంతో ఆమె స్వ‌తంత్ర్య అభ్య‌ర్థిగా పోటీ చేయ‌డానికి నిర్ణ‌యించుకున్నారు. ఈమెకు పోటీగా జె.డి.ఎస్ అభ్య‌ర్థి జాగ్వార్ హీరో నిఖిల్ కుమార్ గౌడ పోటీ చేస్తున్నాడు. దీంతో సుమల‌త‌కు హీరో య‌ష్ అండ‌గా నిల‌బడ్డాడు. అలాగే రాక్‌లైన్ వెంక‌టేష్ స‌హా మ‌రికొంత మంది కూడా ఆమెకు త‌మ మ‌ద్ధ‌తుని ప్ర‌క‌టిస్తున్నారు.