கார்த்தியின் அடுத்த படத்தில் கேஜிஎப் நடிகர்!
- IndiaGlitz, [Wednesday,April 03 2019]
நடிகர் கார்த்தி நடிப்பில் லோகேஷ் கனகராஜ் இயக்கத்தில் நாயகியே இல்லாத திரைப்படமான 'கைதி' திரைப்படம் விறுவிறுப்பாக வளர்ந்து வரும் நிலையில் கார்த்தி நடிக்கும் இன்னொரு படத்தை 'ரெமோ' இயக்குனர் பாக்யராஜ் கண்ணன் இயக்கவுள்ளார் என்பதை ஏற்கனவே பார்த்தோம்.
கார்த்திக்கு ஜோடியாக பிரபல தெலுங்கு நடிகை ராஷ்மிகா மந்தனா நடிக்கவுள்ள இந்த படத்தில் தற்போது வில்லன்களில் ஒருவராக நடிக்க கருடாராம் ஒப்பந்தமாகியுள்ளதாக செய்திகள் வெளிவந்துள்ளது. இவர் யாஷ் நடித்த 'கேஜிஎப்' படத்தில் நடித்தவர் என்பது குறிப்பிடத்தக்கது. இதுகுறித்த அதிகாரபூர்வ தகவல் விரைவில் வெளியாகவுள்ளது.
ரொமான்ஸ், காமெடி, ஆக்சன் கலந்த இந்த படத்தை ட்ரீம்வாரியர் பிக்சர்ஸ் நிறுவனம் தயாரிக்கவுள்ளது.