பூஜையுடன் தொடங்கிய வெற்றிப்படத்தின் இரண்டாம் பாகம்!
- IndiaGlitz, [Wednesday,March 13 2019]
கடந்த டிசம்பர் மாதம் கிறிஸ்துமஸ் விடுமுறை தினத்தில் ஐந்து முக்கிய நடிகர்களின் படங்களுடன் ரிலீஸ் ஆன கன்னட டப்பிங் படம் 'கேஜிஎப். இந்த படத்தின் தமிழக ரிலீஸ் உரிமையை பெற்றிருந்த நடிகர் விஷாலின் பிரமாதமான புரமோஷன் மற்றும் பாசிட்டிவ் விமர்சனங்கள் ஆகியவைகளால் ஒரிஜினல் தமிழ் படங்களின் வசூலுக்கு இணையான வசூலை பெற்று நல்ல வரவேற்பை பெற்றது.
பிரபல கன்னட நடிகர் யாஷ் ஹீரோவாக நடித்த இந்த படம் தென்னிந்தியா முழுவதும் சூப்பர்ஹிட் ஆனதை அடுத்து இந்த படத்தின் இரண்டாம் பாகம் விரைவில் உருவாகவிருப்பதாக கடந்த சில மாதங்களாக செய்திகள் வெளிவந்தது. இந்த நிலையில் இன்று இந்த படத்தின் பூஜையுடன் கூடிய படப்பிடிப்பு தொடங்கியது.
பெங்களூர் விஜயநகரில் உள்ள ஒரு கோவிலில் இந்த படத்தின் பூஜை சற்றுமுன் நடைபெற்றது. இந்த பூஜையில் யாஷ், இயக்குனர் பிரசாந்த் நீல், நடிகை ஸ்ரீநிதிஷெட்டி உள்பட படக்குழுவினர் அனைவரும் கலந்து கொண்டனர். இன்று இந்த படத்தின் படப்பிடிப்பு தொடங்கவிருப்பதாகவும் இந்த படத்தின் மற்ற விபரங்கள் விரைவில் அறிவிக்கப்படும் என்றும் படக்குழுவினர் தெரிவித்தனர்.