தாடி, மீசையை எடுத்துவிட்டு புதிய தோற்றத்தில் 'கேஜிஎப்' யாஷ்: வைரல் வீடியோ
- IndiaGlitz, [Saturday,April 16 2022]
கடந்த சில வருடங்களாக ‘கேஜிஎப்’ திரைப்படத்திற்காக நீண்ட தாடி மற்றும் தலைமுடி வளர்த்து வந்த நடிகர் யாஷ், தற்போது தாடி மற்றும் தலைமுடியை வெட்டி புதிய தோற்றத்திற்கு மாறியுள்ள வீடியோ இணையதளங்களில் வைரலாகி வருகிறது .
கடந்த 2018ம் ஆண்டு வெளியான ’கேஜிஎப்’ மற்றும் சமீபத்தில் வெளியான ‘கேஜிஎப் 2’ ஆகிய இரண்டு திரைப்படங்களும் மிகப் பெரிய வெற்றி பெற்றுள்ளன. குறிப்பாக கடந்த இரண்டு நாட்களுக்கு முன்னர் வெளியான ‘கேஜிஎப் 2’ திரைப்படம் உலகம் முழுவதும் சுமார் 10 ஆயிரம் திரையரங்குகளில் வெளியானது என்பதும் தமிழகம் உள்பட அனைத்து பகுதிகளிலும் இந்த படத்திற்கு மிகப் பெரிய வரவேற்பும் வசூலும் குவிந்து வருகிறது என்பதும் குறிப்பிடத்தக்கது .
இந்த நிலையில் ‘கேஜிஎப் 2’ வெற்றியை அடுத்து தனது அடுத்த படத்திற்காக தாடியை ட்ரிம் செய்து தலைமுடியை குறைத்து யாஷ் புதிய ஸ்மார்ட்டான தோற்றத்திற்கு மாறியுளார். இது குறித்த வீடியோ இணையதளங்களில் வைரலாகி வருகிறது. நடிகர் யாஷ் அடுத்த படத்தில் வித்தியாசமான கேரக்டரில் நடிக்க இருப்பதாகவும் இது குறித்த அறிவிப்பு விரைவில் வெளியாகும் என்றும் கூறப்படுகிறது.