'కేశవ'ఆడియో వేడుక
- IndiaGlitz, [Sunday,May 14 2017]
దేవాన్ష్ నామా సమర్పణలో అభిషేక్ పిక్చర్స్ బ్యాన‌ర్‌పై నిఖిల్,రీతూవ‌ర్మ హీరో హీరోయిన్లుగా సుధీర్ వ‌ర్మ దర్శకత్వంలో రూపొందుతోన్న చిత్రం 'కేశవ'. స‌న్ని ఎం.ఆర్ సంగీతం అందించిన ఈ సినిమా ఆడియో విడుదల కార్య‌క్ర‌మంలో టీ న్యూస్ ఎండి సంతోష్ ఆడియో సీడీల‌ను విడుదల చేసి తొలి సీడీని గుణశేఖర్, శ‌ర్వానంద్‌కు అంద‌జేశారు.
సినిమా మే 19న సినిమా విడుద‌ల‌వుతుంది. త‌ప్ప‌కుండా అంద‌రూ సినిమాను ఆశీర్వ‌దించాల‌ని అభిషేక్ నామా అన్నారు. ద‌ర్శ‌కుడు సుధీర్‌వ‌ర్మ నా ఫేవ‌రెట్ ద‌ర్శ‌కుల్లో ఒక‌రు. ఇలాంటి ద‌ర్శ‌కులు ఇండ‌స్ట్రీకి ఎంతో అవ‌స‌రం. నాతో కూడా ఒక సినిమా చేయ‌మ‌ని అడుగుతున్నాను. మ‌రి చూడాలి. అభిషేక్ పిక్చర్స్ డిస్ట్రిబ్యూష‌న్ నుండి నిర్మాణ రంగంలోకి అడుగు పెట్టారు. ఈ సినిమాతో వారికి మంచి హిట్ రావాలి. నిఖిల్ గురించి ఇరిటేటింగ్‌గా అనిపిస్తుంది. త‌ను డిఫ‌రెంట్ జోన‌ర్స్ మూవీస్ చేసుకుంటూ హిట్ సినిమాలు చేస్తూ వ‌స్తున్నాడు. త‌ను అలాగే మంచి సక్సెస్ సాధించాలి. రీతూ తెలుగు అమ్మాయి. త‌న‌తో కూడా క‌లిసి ప‌నిచేయాల‌ని అనుకుంటున్నాను. మా తమ్ముడు విక్ర‌మ్ ఆంధ్ర మొత్తం ఈ సినిమా హ‌క్కుల‌ను కొనుకున్నాడని శర్వానంద్ తెలిపారు.
టీ న్యూస్ ఎం.డి సంతోష్ ఎంటర్ టీంకు అభినంద‌న‌లు తెలుప‌గా, కేశ‌వ‌లోని కాల‌భైర‌వ స్తోత్రం వింటుంటే, బాహుబ‌లిలో శివ‌స్తోత్రం విన్న‌ప్పుడు వ‌చ్చిన పాజిటివ్ ఫీలింగ్ క‌లుగుతుంది. ట్రెడిష‌నల్ మ్యూజిక్‌ను ఇప్ప‌టి త‌రంలో అంద‌రికీ న‌చ్చేలా చేసిన స‌న్నిని అభినందిస్తున్నాను. సినిమాలోని ఐదు పాట‌లు డిఫ‌రెంట్‌గా ఉన్నాయి. సినిమా హోల్ టైం ఎంట‌ర్‌టైన‌ర్ అని చెప్ప‌వ‌చ్చు. సినిమా చూడాల‌ని కుతూహ‌లంగాఉందని గుణశేఖర్ అన్నారు.