இளையதளபதி விஜய் நடித்த 'தெறி' திரைப்படம் உலகம் முழுவதும் தெறியாக வசூல் செய்து சாதனை புரிந்துள்ள நிலையில் அவரது அடுத்த படமான 'விஜய் 60' திரைப்படத்தின் படப்பிடிப்பு தற்போது சென்னையில் நடைபெற்றுகொண்டிருக்கின்றது.

இந்த படத்தில் இடம்பெறும் விஜய்யின் அறிமுகப்பாடல் மற்றும் ஒருசில வசனக்காட்சிகள், சதீஷுடன் சில காட்சிகள் ஆகியவை படமாக்கப்பட்டிருக்கும் நிலையில் இந்த படத்தின் படப்பிடிப்பில் இன்று முதல் நாயகி கீர்த்தி சுரேஷ் இணைகிறார்.

இந்த தகவலை கீர்த்தி சுரேஷ் சற்றுமுன்னர் தனது சமூக வலைத்தளத்தில் பதிவு செய்துள்ளார். இன்று முதல் விஜய் 60 படத்தில் இணைந்தது குறித்து மிகவும் மகிழ்ச்சி அடைகிறேன். அனைவரின் ஒத்துழைப்பு மற்றும் ஆசியை வேண்டுகிறேன்' என்று அவர் பதிவு செய்துள்ளார்.

விஜய், கீர்த்தி சுரேஷ், சதீஷ், ஜெகபதிபாபு, டேனியல் பாலாஜி உள்பட பலர் நடித்து வரும் இந்த படத்தை 'அழகிய தமிழ்மகன்' இயக்குனர் பரதன் இயக்கி வருகிறார். சந்தோஷ் நாராயணன் இசையமைத்து வரும் இந்த படத்தை விஜயா புரடொக்ஷன்ஸ் நிறுவனம் பிரமாண்டமாக தயாரித்து வருகிறது.